Shillong, Jylliew 8: Na ka daw jong ka jingjur u slap mynta ka sngi ka surok ka ba pyniasoh ia ka Surok Lumpyngngad sha Muktapur bad ia kane la pyntip sha ki bor ba dei peit ia ka tnad shma surok.
U rangbah shnong ka shnong Lumpyngngad u la dep phone sha ka tnad PWD hal or kane ka jingtwa khyndew bad la kyntu ba kin maramot ia kane ka surok namar kane ka surok ka dei ka budlum jong ki shnong ka thaiñ naduh Borghat, kharkhana, Pasadwar, Lumpyngngad,pdengsohrmen,Hawai sutnga,shaduh Lakroh Muktapur bad Ter Ter shaduh Amlarem.
Katkum ka jingtip ka ba la phah na katei ka thain la ong ba kane ka jingtwa khyndew kaba pynjulor ia kane ka surok kala jia mynta mynstep bad kane kala buh ia ki paidbah nongshong shnong ha ka jingeh kaba khrae ha kaleit ka wanna namar ka Don tang kane ka surok.
Kane ka surok ka hap hapoh jong ka Amlarem Civil Sub Division jong ka West Jaintia Hills District, na ka liang ki paidbah ka thain ki kyrpad ia ka PWD ba kin maramot kloi ia kane ka surok bala shah ha ka jingtwa khyndew.
