Khliehriat, Jylliew 21: Ka Sur U Paitbah East Jaiñtia Hills District (KSUP-EJHD), kaba dei ka synjuk kaba la thaw ban peit iaka bha ka miat ka East Jaintia Hills kala kner la ka jingiarap jong ka sha kawei ka jaka ri khynnah, ka 7-Thyndai Child Care Institute Cum-Counselling Centre kaba don ha Tuber Kmaishnong, East Jaintia Hills District.
Ia kine ki tiar kiba kynthup iaki marbam la aiti haka sngi Saitjain sha ki nongialam ka Seiñ Manbei Seiñraij Tuber kaba pyniaid ia kane ka jaka ri khynnah da ki nongialam ka Sur U Paidbah East Jaintia Hills haka jingialam khmat u Dr. Ryngkat Phawa Chairman Sur U Paidbah East Jaintia Hills.
Ha ka sngi ba leit ban ai jingiarap la don lang haka jingsynralang Streamly N Suchen Assistant Secretary General bad ki dkhot ba kynthup ia u Ma. Justice Lyngdoh, Ma. Livingstone Phawa, Ma. Jespar Bareh, Ma. Everlast Nongtdu, Ka Kong.Crescent Tlang, Miss.Burom Tlang bad u Ma Harvis Phawa.
Ha kane ka jingleit ai jingiarap la ioh ia ka jingduwai na u Ma. Jiedlang Sana uba long ruh u Waheh Chnong ka Tubekmaishnong, ka jingkren na ka Kong. Melis Dkhar ka Secretary7-Thyndai Child Care Institute Cum-Counselling Centre kaba la iathuh iaka jingiaid lynti ka centre.
La ioh ka jingkren na u Ma.Justice Lyngdoh,bad na u Ma Harvis Phawa kiba la ai mynsiem ia ki nong pyniaid jong kane ka jaka ri khynnah bad ba kim dei ban duh jingkyrmen lada ki kynduh ki jingtynjuh haka jingiaid lynti namar ba ka kam kaba ki leh kadei ka kam kaba don burom bad ban iarap ia ki para briew khamtam ki khynnah kiba donkam iaka jingsumar ban miat ban bha ka lawei jong ki.
Kila kitbok kitrwiang ia kane Sein Manbei Seinraij Tuber bad kin lah ban pyniaid shaphrang ia kane ka jaka ri khynnah. Na kaliang ka Seinraij bad ka jaka ri khynnah kila ai khublei iaka Sur U Paidbah East Jaintia Hills bad kitbok kitrwiang iaki nongialam ba kin nang lah ban shakri bad peit ia ka miat ka bha ka district baroh kawei.
Ki tiar kiba la ai ka Sur U Paidbah East Jaintia Hills ha katei ka jaka ki kynthup ia kawei ka almari, khiew spoon san tylli, kharai kawei, pliang steel 18 tylli, dabor 2 tylli, khaw arham 100kg, phan 52kg, dail 10kg bad ka pylleng 10 synduk, kane ka long katkum ka kyrwoh kaba la phah da u bah Streamly N Suchen u Asst Secretary General, jong Ka Sur U Paitbah East Jaiñtia Hills Khliehriat.
