Shillong,Jylliew 29: Ka dorbar shnong Mawlai Mawroh kala ioh ia ka jingujor na ki nongshong shnong ki nongbam ha ryngkat ki nongsam ha kaba ia dei bad u ne u khaw jong ka ICDS, kane ka long ka jingkynt ia ka tnad sam bam jong ka sorkar jylla ba kan phah peit bniah ha kaba ia dei bad u khaw ba sniew.
U Bah Marbud Dkhar haba kren ha ki lat pathai khubor u la ong ba lalah ban pynshisha na ka tnad ba dei peit ia ka bam ka dih, une u khaw u dei ba la wan lyngba ka ICDS. Namar kane ka jingkhang dam haba wan na ka sorkar jylla hynrei kaba sngewsih ka long ba la wan da u khaw ba sniew.
Na ka liang jong ka dorbar shnong Mawlai Mawroh ka pynremjur ha kaba ia dei bad kane bynta, kane ka jingsam iaki paidbah da ki jingbam kiba sniew ka buh jingma ia ki khynnah bad kane kan ktah ruh ia kiba armet.
Ka dorbar shnong Mawlai Mawroh kan pynphai noh ia u khaw bad ki jingbam kiba la wan lyngba ka ICDS kam dei ban sam ia ki jingbam kiba bam briew ha rithor, ka dei ban sam da ka dud bad ki shna.
Ia une u khaw la pynpoi sha shnong ha ka sngi Nyngkong bad la shem u khaw u long shisha u ba sniew bad ka shnong kala bthah ban nym shim, na ka liang jong kiba trei ha ki Aganwadi ruh la juh ujor man kapor hynrei kam juh don ka jingsngap.
Na ka liang ka shnong kamlah shuh ban shu sngap kam ban se ban ujor ia kane bad haba la thang la shem ba u meh ding bad haba shu peit la ioh ia ka jingsniew bad ka jingbha jong u khaw,la juh ioh ar byrni ei ei ha man ka lai bnai,la ong u bah Marbud.
