image description
Shillong, Naitung 7: Mynta ka sngi ka seng Hynniewtrep Integrated Territorial Organsation (HITO) kala phah da ka jingthoh sha u CEM jong ka KHADC u bah Titosstarwell ban dawa ba dei ban buh ia ka kyntien “Trai” ha ki dulir kyndew ym da ka ktien “Bat”.
Ha ka dorkhas kaba ka HITO kala phah mynta ka sngi sha u CEM jong ka KHADC la ong ba kat kumba paw ha ki dulir khyndew bala ai da ki Autonomous District Council bad kiwei kiwei ki tnad sorkar ki lap baka kyntien “Land holding” kaba mut ka jingbat khydnew
ka long ka kyntien kaba la sot ha ki dulir, bad ki shem ba na ka liang ka seng ki ai jingmut bala dei ban pynkylla noh ia katei ka kyntien naka “Land holding” ka jingbat khyndew sha ka “ownership certificate” ka kyntien jinglang trai.
Ha ka dorkhas ka HITO kala ong ba kim sngew iahap ia ka ktien bat khydnew namar kam dei ka ktien kaba kit jingmut bad lada kane ka ktien kan dang iai bteng kan long kaba ma ha dien habud bad kane kam dei ka dustur jong ka jaidbynriew Hynniewtrep.
Halor katei ka ktien ka HITO ka ai jingmut sha ka KHADC ba kan wanrah ia ka jingkylla ha ka rukom buh ia ka ktien na ka “Bat Khyndew” sha ka ktien “ Trai khyndew” bad kane kan long ka jingkyrkhu ia ki long dien man dien. Ia ka Dorkhas la soi da u bah Donbok Dkhar President.
