Shillong, Naitung 7: Mynta ka sngi ka seng HYC kala ai da ka jingthoh sha u Myntri Rangbah ka jylla u Conrad K Sangma bad sha u symbut myntri rangbah ka jylla u bah Prestone Tynsong halor ka jingshah kynnoh ba ka don ka jingiabam sap ha kaba ia dei bad ka skhim Sabhyaga.
U bah Roy Kupar Synrem general secretary jong ka HYC haba kren ha ki lat pathai khubor u la ong ba ia kane ka juh ka jingthoh la phah ia kane ka jingpyntip sha ka sorkar pdeng ha u secretary ba dei peit ia ka tnad bording.
Kane ka skhim Sabhyaga skhim ka dei jong ka sorkar pdeng dei na kane ka daw ba ka seng ka kwah ba ia kine ki kynrum kynram halor kane ka jingpyntrei kam ia ka Sabhyaga ha kane ka jylla, ia kane ka skhim la pyntrei kam naduh u snem 2018.
Kane ka skhim ka long ban pynioh ia ka bor ding sha baroh ki nongshong shnong ha ka jylla baroh kawei, la ioh ba ia kane ka jingpyntrei kam ia kane ka skhim ha kane ka jylla kala long kaba kynrum kynram kila don ki jingkynnoh bam sap bad la pyndon kam bakla I aka bor ban ailat ia ki kompeny ban ioh nongkham bun na kane ka skhim.
Kaei kaba la ktah ia ka seng ka long ba kala don ka jingmih ha ki lat pathai khubor kaba la kynnoh ba ka don ka jingiabam sap kaba la kot sha ka T.149 klur ha kaba la thoh ba ka long katkum kaiphot jong ka CAG.
Katkum ka khubor la kynnoh ba ka jingai kontrak kala long palat ia ka dor, ka dor kaba buh ka long da kumwei kat ba ai ia ka jingtrei kala long palat ia ka dor jong ka MeECL, hynrei ki pdiang ia kane, la ong u bah Synrem.
U Bah Synrem u la ong ba ka dor kaba la buh ka long da kumwei katba ka jingthep ia ka kontrak la buh palat ia ka 50% tam na ka dor kaba la buh ban pyntrei ia kane ka skhim bad kane ka jingleh kala pynlong ia ka jylla ba ka hap ban siew ne duh haduh T.149 klur tyngka, kane ka khubor kaba la mih kala pynpyrkhat ia ka seng ba I mat ka don ka jingpyndon kam bakla.
Na ka liang jong ka seng ban lap ia ka jingshisha wat la kala iohi ba ka sorkar kala thung ia ka kynhun tohkit kaba laitluid kaba la khlieh da u nongbishar ba la shongthait hynrei hadien ka jingmih katei ka khubor ka seng ka dawa na ka sorkar halor kane ka jingkynnoh bamsap ba kam dei ban kynthup lang ha kane ka kynhun tohkit.
Na ka liang jong ka HYC ka dawa ba ia ka Sabhyaga skhim dei ban tohkit da kiwei ki bor, na liang ka seng ka dawa ba ia kane dei ban phah tohkit ha ka Central Bureau of Investigation (CBI) ka HYC kam kwah ba kane ka kynhun tohkit kam shim lang. Lada lap ba don ba pyndon kam bakla ia ka bor ka ban wan rah ia ka jingduh nong ia ka jylla dei ban pynshitom katkum ka ain.
Ka HYC ka dawa ba dei ban weng mardor ia u myntri kam bor ding u James K Sangma ha kum kane ka por, namar ka sorkar kala thung ia ka kynhun tohkit ban wat ia kita ki jingkynnoh hapoh jong ka MeECL bad kiwei ki shnat treikam jong ka MeECL, la ioh ba la weng ia u CMD la weng ia u Power secretary, na ka liang jong ka HYC ka kwah ban dei ban weng ia u myntri ba dei peit.
Kane ka jingkynnoh kam dei tang ia ka MeECL hynrei ka dei ruh ia ka tnad bording, kine ki kynrum kynram kila jia ha ka por ba u James u long u myntri kam bor ding dei na kane ka dawa ba ka seng ka dawa ban weng na ka tnad bor ding.
Kawei ka jingdawa ba ka seng kala buh ka long wat la ia u Arunkumar la weng ia u kumu CMD, hynrei la iohi ba la thung ia u kum u Director Finance jong ka MeECL, ka seng ka dawa ba dei ban weng noh ia u na katei ka kam kaba u bat mynta ba yn nym long u maw jynthud ia kane ka jingthohkit, la ong u Bah Synrem.
