Shillong, Nailur 03: Ki paidbah ka thain Hahim mynta ka sngi kila pynlong ia ka jinglang paidbah jong ki 11 tylli ki shnong ban ia kren la kin don ha Meghalaya ne ha ka jylla Assam namar kane ka jingiakren kam pud hapdeng kine ki ar tylli ki jylla ka ban sa long biang ha Dispur ha ka sngi Thohdieng kata 6/8/2021.
Ha kane ka jingialang kaba la long mynta ka sngi ha Athiabari, ki nongkit kam shnong jong kitei ki shnong kila shim ia ka rai ban long katba long jia katba jia kin don beit ha ka jylla Meghalaya kin nym leit sha Assam, ki khatwei tylli ki shnong ki long ka, Athiabari, Umsaitwait, Talpara, Ranighat, Malapara, Moipara, Maspara, Umshet, Rongthali, Khasisalbari, Rongtholi.
U Bah K P Pangniang la iathuh ba kane ka jingialang kaba la long mynta ka sngi dei kaba la khot da ki paidbah ka tei ka thain ha kaba u la ia don lang ban sakhi lang ia kane ka jingialang kaba kila shim rai mynta ka sngi.
La iathuh ba la shai ka sngi un leit sha Ratabari bad Gizang reserved forest namar ki paidbah katei ka thain kin pynlong ia ka jingialang, la iathuh ba ha ka thain Langpih ki paidbah kila dep ban pynlogn ia ka jingialang paidbah bad kila dep ban shim ia ka rai, u bah pangniang ba dei ruh president jong ka HSPDP u la ong ba ai ki paidbah kin long ki dulir ha kane ka jingiapynbeit pud.
Ha kane ka sngi ki shnong kiba don ha ka jingiakam pud hapoh ka hima Nonglang, kiba hap hapoh jong ka Tarabari, Wapara, Salbari, Gizang Reserved Forest, Rangseng, Gohanimara, Amagoan, Malangjoypur kila pynlong ia ka jingialang mynta ka sngi ban ia kren ia kane ka kam pynbeit pud ha pdeng ka Meghalaya bad ka Assam.
