Shillong, Nailar 16: Ha ka miet sngi u blei kala don ka jingklumar hapoh Mawlai Nongknwar na ka daw ba ki pulit CrPF kiba don ha katei ka jaka kila bom briew ha surok khlem daw bad kane kala pynmih ia ka jingbitar na ka liang jong ki paidbah.
Katkum ki jingtip kiba la ioh la ong ba ki pulit CrPF kiba don ha surok mar ia poi ka kali kot Khubor jong u Mawphor kila shu bom ia ka kali bad bom ruh ia ki nongtrei katei ka kot khubor.
Kala don ka jingkynnoh ruh ba ha dien kane ka jingbom ia ka kali jong u Mawphor ki pulit CrPF kila pyrshang ban bom ia ki kali kiba don ha surok ha katei ka jaka bad kane kala pynbitar shuhs huh haduh ba la hap ban pyndon kam ia ki tear gas ban pynpra ia ki paidbah na ka daw jong ka jingkhi wahleng ki pulit CrPF kala pynshong syier ia ki paidbah.
Haba kren bad u Editor jong u Mawphor u bah D L Siangshai la ong ba ka dei ka jingshisha ba u ba shah bom ha ki pulit CrPF dei nongtrei jong u Mawphor, ki CrPF ba don ha katei ka jaka wat la pyni ia ka ID Cards ruh kim shym la burom bad na ka liang jong ka ophis ka dang pyrkhat ban ai da ka Ejahar halor katei ka jingjia.
Ha katei ka juh ka miet kala don ru ka jingkawng petrol bom ia ka iing jong u myntri rangbah ka jylla kaba don ha Upper Shillong kaba dei ka iing shimet jong u, ha kane ka jignjia kala don ka jingjulor kaba malu mala.
