Guwahati, Naitung 28: Mynta ka sngi ha ka por kumba 7.45 baje mynmiet ka la don ka jingbethei bom ha Paltan Bazar ha jan jong ka hotel Gitanjali ha Guwahati ha kaba san ngut ki briew ki la mynsaw ha kane ka jingjia.
Ha kane ka por ba bethei une u bom ki paidbah ki dang iai iaid ia ieng ha katei ka jaka bad ki dang bun kam ha ka thied ka pet bad kane ka jingbthei bom kynsan ka la pynkyndit ia ki briew kiba don ha kane iew.
Ka la don ka jingsuba ba kane ka lah ban dei ka kam jong ka seng lehnoh ULFA. Ar ngut ki briew kiba la suba ba ki dei ki dkhot jong ka seng ULFA ki la wan da ka bike bad ki la kawang da u bom grenade ia ki pulit kiba don ha katei ka jaka.
Napdeng kito san ngut kiba la mynsaw ar ngut ki dei ki pulit home Gurad jong ka jylla Assam. Kat haduh ba thoh ia kane ka khubor na ka liang jong ki pulit ki dang thwet bad kynra ban ioh kem ia kine ki briew.(SP News)
