Shillong, Risaw 08: U Gurjit Singh Secretary jong ka kynhun “Harijan Panchayat Committee” mynta ka sngi u la phah da ka jingthoh sha ki lat pathai khubor ha kaba u la ong ba kin nym pdiang ia ka kaiphot jong ka High Level Committee jong ka sorkar Meghalaya ha kaba ia dei bad ka Sweeper Colony ha Thew Iew Mawlong.
Haba ia dei bad ka kaiphot kaba la ai da ka HLC sha ka sorkar, ka long ba kin nym pdiang nanar kane kan ktah ia ki spah tylli ki long iing jong ki Harijan kiba sah ha katei ka jaka palat ia ka arpspah snem mynta, ka jingkyntait ia ka kaiphot ka long kumba la paw ha ki lat pathai khubor.
U Secretary ka Harijan Panchayat Committee u maham ia ka sorkar halor ka jingpynkhreh ban shimti ia katei ka jaka hapoh them Iew Mawlong hapoh shitaiew, halor kane ba kin ia khun pyrshah ia kane ka hok jong ki haduh kaba kut la kynnoh ba kane ka jingleh jong ka sorkar ka long beain u la kynnoh.
U Gurjit Singh la ong ba kane kam ka dang sah kut hapoh ka iing bishar ba ha khliehduh jong ka Ri India bad la ong ba kane ka jingleh jong ka sorkar Meghalaya kam long kaba dei bad kane ka jingthmu ka long beain.
Ha ka jingthoh kaba la phah u Gujrit Singh u la kam ba katei ka jaka 2.5 akar la ong ba ia kane ka jaka la ai da u Syiem ka Hima Mylliem sha ki kpa tymmen jong ki, kiwei kin nym don hok halor katei ka khydnew la kam tei u secretary ka HPC, la ong ba u Syiem um lah ban shim biang ia kane ka jaka kaba la ai naduh mynshwa.
Halor kata ka jingiasoi soskular hapdeng ka Hima Mylliem, ka tnad pynroi sor bad ka Shillong Municipal kan long kaba beain la kynnoh, na ka liang jong u secretary ka HPC kynnoh ba u symbut myntri rangbah ka jylla kum u shongknoe ka HLC u la ong pyrshah iaki la kynnoh u Gurjit Singh.
Na ka liang jong ka HPC ka buh ka jingkylli balei ka sorkar ka kyrkieh ban leh ia kane ka kam namar ba ka iing bishar jong ka Meghalaya High Court ha ka 9th Iaiong 2021 kala bthah ban pynneh ia kane ka jaka kumba ka long kum juh ia ka High Level Committee kaba la thaw ha ka 4th Jylliew 2018.
U Secretary ka HPC u la ong ba kumba ka paw na ka jingkren jong u myntri rangbah ka jylla u Conrad K Sangma u la ong ba ka jingshimti ia kane ka jaka dei ban pyndep hapoh ka shitaiew, u secretary ka HPC la ong ba katkum ka rai jong u nongbishar jong u Jusitce Sen kaba la ai ha ka 15th Lber 2019 ka kren shai ba halor kane ka jaka dei ban ujor da ka “Title Suits” kam dei da kaba shushim rai.
Naduh ba mih ha huri hura ha u snem 2018, kala don ka jignwan jngoh da ka National Commission ia ki rit paid, ka National Human Right Commission, ka National Commission na ka bynta ki Safai Karamcharis , kine baroh kila ong ba pynneh ia ka kumba ka long bad ym dei ban pynkynriah ia ki na katei ka jaka.
U Gurjit Singh u la ong ba ka jingkam jong ka sorkar Meghalaya ba kan shim ia karai katkum ka kaiphot jong ka High Level Committee ban ai jaka sah shawei ia kiba don ha katei ka jaka ka dei ka jingpynkhien ia kiba bun ki kynnoh la kynnoh u secretary ka HPC ha ka jignthoh kaba la phah sha ki lat pathai khubor bad ai kotpi sha Lat ka jylla, Myntri Rangbah ka jylla bad kum juh sha ki bor ka sorkar pdeng kumjuh sha u Syiem ka Hima Mylliem.
