Shillong, Risaw 26: Ka HYC lyngba ka tnat treikam jong ka kaba peit bad iarap iaki nongbylla bad ki nongtrei nylla sngi ha dien ka jingud jingnam jong ki nongbylla ki nongtrei bylla ha ki jaitkam bapher bapher kum ki nongap pahara ki nongtrei sngi bad kiwei kiwei.
Ka seng kala ioh jingtip ba bun kila duhnoh ia ki kam bylla sngi jong ki tang shiteng por namar ka jingkylliang ia ki kontrakha ki jaka trei kam, kane ka jingduh kam shiteng por jong ki paradoh parasnam tang namar ba kylliang kontrak.
Kane ka jingkylliang ia kiba ioh kontrak kala wan rah ia ka jingduh bylla wat la kila trei da ki bun bun snem bad ia kito kiba la don ia ka ing ka sem ban hap pynbiang iaki ki khun ki kti tang lyngba ka kam ba ki trei bad ka ktah ruh iaki namar ki hap wat kam thymmai wat la kila trei bun bun snem.
Kane ka jingwat kam thymmai ka buh jingeh shibun iaki ban ioh kam biang ka seng hadien ba kalah iarap ia shibun kiba ngat ha kum kane ka apot bad lyngba kane ka khubor ka kyntu iaki kontraktor ba haba ki ioh kam ha kino kino ki jaka kidei ban pyrkhat bad shim shuwa ia kiba lah trei jylla khnang kan nymktah iaki.
Ha kajuh ka por ka seng ka maham ia kito ki nongai kam ne ki nongpeit nongpyniaid kiba pynduh iaka hok jongki nongbylla bad kiba shim kabu kham tam iaki kynthei khynnah.
Ka seng ka sngew ban kyntu ruh iaki nongbylla kiba dei ki paradoh para snam ba kin leit ban pynrung kyrteng ia lada ha ka Meghalaya building and other worker welfare board kaba peit bad pyniaid daka tnat labour ba lyngba kane ka board ki ioh shibun ki jingmyntoi ha kaba iadei bad ki jingdonkam.
Ka seng ka kloi ban iarap ha kaba iadei bad ka jingtip ban pynrung kyrteng lane ki lah ban leit mih hi ha ki office jong ka district labour ha man ki district, la ong u bah John Lyngdoh ba dei peit ia ki nong bylla ka seng kmie na ka HYC.
