Shillong, Risaw 26: Mynta ka sngi ki paidbah nongleit nognwan ha Iewduh bad ki nongshong dukan kila kyndit ban ioh ba kawei ka song kaba la buh ha khmat dukan kala mih tdem bad ki paidbah kila ia phet da ka jingsuba ba ioh don ba buh bom.
U heh pulit ka hima mylliem ba dei peit ia ka Iewduh la iathuh ba ka song kaba la buh dei ka tyngdong lyer kaba la buh da u wei u briew ha dukan jong u wei u paralok bad ha dien kata la wan shim da u trai katei ka pla.
Na ka liang jong ki pulit ha dien ba la ioh ia kane ka jingtip kila leit sha katei ka jaka ryngkat ki pulit pynlip bom bad haba ki la leit la sem ba dei u “Sperm Nitrogen Gas Cylinder” ia katei ka pla la wan shim noh da u trai.
Ka jingphet ki briew ka long ba na katta ka song kaba don ha khmat dukan kala mih tdem bad kane kala pynkyndit ia ki paidbah bad kane kala jia ha ka por shiteng sngi. Ia u ne u briew la wan kam da u wei u rangbah ba trei ha ka tnad ri mrad.
