Shillong, Naiutng 31: Ha ka jingiamir jingud mynta ka sngi ha St Anthony’s College ki nongkren ki la pynpaw ia la ka jong ka jong ka ingsngew kajong ki ha ka liangjong ka synshar khaddar.Ka phang pdeng jong kane ka jingiakren ka long “Social, Political and Economic Agenda for the New Meghalaya Government”
Haka jingkren jong ka kong Angela Rangad kala ong ba ki nongialam ki dei ban long kiba la tbit ha ka kyrdan pule kajong ki, hynrei kaba kongsan eh ka long ba ki dei ban sngewthuh iaka jingeh jong ki paidbah.
Ka kong Angela ka long ba mynta bun na ki nongkhaii heh spah ki kwah ban ioh kali light saw ban ioh ia kane ki hap ban iashim bynta ha ka sian pyrthei bad ynda ki la jop ki pynlong ia ka shuki jong ki kum ka ktem khaii. Dei na kane ka daw ba mynta baroh ki iew ia ka sain pyrthei kum kaba jakhlia.
Ha ka jingkren jongu Bah Paul Lyngdoh dkhot jong ka iing dorbar thawain ka jylla u la ong ba ka jingnang jingstad kam pat rung sha ki nongkyndong bad ka por ka la dei ban ka pule puthi ka dei ban krieh sha bar jong ka nongbah Shillong.
Bun na ki paidbah jong ka jylla ki dang sah ha ka jingbiej ha kaba kim pat nang ban pule, lada wan rah ia ka jingkylla ka dei ban don ka jingkylla ha ka pule puthi.U Bah Paul u la ong ba bun na kiba kwah ban rung ha ka sian pyrthei namar ki dei na ka kur ne ka niam. U bah Paul u ong ba ki samla kid ei ban sngewthuh kham bha ia ka sain pyrthei.
Ia kane ka jingiapyninia la pyniaid da u Prof H Syiem, kiba la don lang ki long u Bah Toki Blah bad kiwei kiwei.(SP News)
