Shillong, Risaw 28: Mynta ka sngi u trai jong ka dukan dei mobile kaba don ha Motphran haba hap iewduh ha dien bala wan plie dukan la shem ba ka dukan kala shah lute ha kaba bun bah ki mobile kila shah tuh napoh dukan.
Haba ia dei bad kane ka jingshah tuh la pyntip sha ki pulit jong ka Lumdiengjri Police Station bad mar mar kila wan ban jurip ia kane ka dukan bad ha kane ka jingjurip la lap ba ki nongtuh kila pynpaid ia ka skullight na ka mala kaba ar bad rung hapoh dukan.
Ia kane ka dukan die mobile kam shym don kyrteng hynrei la don ka jingthoh kaba thoh “Stall No- 213E, kane ka dukan ka don ha lynti ban rung sha Iewduh, na ka liang jong ki pulit jong ka Lumdiengjri Police Station ki dang pynlong ia ka jingtohkit ban lap ia ki nongtuh.
Na ka liang jong ki pulit jong u Syiem ka Hima Mylliem u la ong ba kane ka jingshah lute katei ka dukan die mobile kaba hap hapoh jong ka Iewduh bad ki pulit jong ka Lumdiengjri kila wan ban tohkit bad ia ka jingshah lute haduh katno ym pat ioh ia ka jingkhein kaba thikna namar ka jingtohkit ka dang iaid.
