Shillong, Naiwieng 03: Ka jingpynkhreh ban plie ia ka District ba thymmai ha Mariang kala iaid sha khmat bad ia ka jingialang paidbah la pynkhreh ban pynlong ha madan Tihpdang ha ka 10th Naiwieng 2021.
Ki lad khubor kiba u SP News Agency u la ioh la ong ba kala don ka jignbthah ban pynkhreh ban plie noh ia ka District ba thymmai ha Mairang da kaba phiah na ka West Khasi Hills District kaba kyntup ia ki ar tylli ki MLA Konstitwnesi, ka Mairang bad ka Mawthadraishan.
Ki lad khubor kiba ia jan bad ka political department jong ka sorkar jylla la sngewthuh ba kala don ka jingbthah ban pynkhreh na ka bynta ban pynlong ia ka jingialang paidbah ban plie ia ka District kaba thymmai.
Ki lad khubor ba wat la kala don ka jingbthah ban pynkhreh na ka bynta ban plie ia ka District kaba thymmai ha ka 10th Naiwieng 2021, hynrei haduh mynta ka sngi ba thoh ia kane ka khubor na ka liang jong ka sorkar kam pat pynmih ia ka jingpynbna sorkar ia ka District kaba thymmai.
Lah ban pynkynmaw ba ka jingdawa ban kyntiew ia ka Mariang Civil Sub Division sha ka District kadei kaba la slem bha bad ia kane ka jigndawa la sdang na duh ka por jong u MLA barim bam kwai ha dwar u blei u bah Kitdor Syiem.
