Shillong, Nohprah 02: Mynta ka sngi, Ka Sur U paidbah Ka Bri U Hynniew Trep kala phah da ka jingthoh sha u u Chief Executive Member jong ka KHADC ban thaw lat ban pyntrei kamia ka ia ka The Khasi Hills Autonomous District (Inner Line as adopted from the Eastern Frontier Regulation 1873) Bill 2018 hapoh u pud u sam jong ka Khasi bad Jaintia Hills District Council.
Ha ka shithi kaba la ai sha u CEM mynta ka sngi na ka liang jong ka KSUP kala kdew ba ka KHADC ka dei ban pyntrei kam ia ka The Khasi Hills Autonomous District (Inner Line as adopted from the Easter Frontier Regulation 1873) Bill 2018.
Ka Rai Dorbar (Official Resolution) jong ka KHADC ha ka 28 October 2018 ba la wanrah da I (Late) H.S Shylla, CEM kaba la ioh ia ka jingmynjur na 30 ngut ki MDC ka KHADC ban pynjari ia ki kyndon jong ka Bengal Eastern Frontier Regulation 1873.
Ka The Meghalaya (Extension and Application of The Bengal Eastern Frontier Regulation (Inner Line) Bill 1979 ba la rah da I (Late) Martin N Majaw, MLA ha iing dorbar ha u snem 1979.
Ka United Khasi-Jaintia Hills District (Application of Laws) Regulation, 1952 (kaba la tip ruh kum ka Regulation No.5 of 1952) ha kaba nalor ki 225 tylli ki Ain la kynthup lang ia ka Bengal Eastern Frontier Regulation 1873, Ka Rai Dorbar (Official Resolution) jong ka Meghalaya Assembly ban dawa ILP ha ka 19 Dec 2019.
Halor katei ka phang bad ka mat kaba la kdew haneng, ka KSUP ka kyrpad ia u CEM ka hi ki bor KHADC ban sngewbha ban shim khia ban ia kren ban thaw ki lad kumno ban pynurlong ia katei ka “The Khasi Hills Autonomous District (Inner Line as adopted from the Easter Frontier Regulation 1873) Bill 2018”.
Kaba la mynjur hadien ba la dep mynjur ruh ha ka Rai Dorbar (Official Resolution) jong ka KHADC ha ka 28 October 2018 ba la wanrah da I (Late) HS Shylla, CEM kaba la ioh ia ka jingmynjur na 30 ngut ki MDC ka KHADC ban pynjari ia ki kyndon jong ka Bengal Eastern Frontier Regulation 1873.
Kum ban shu pynkynmaw ba kane ka kam ka la mih teng 39 snem mynshwa (1979) mynba uwei na ki khraw pyrkhat ka jaidbynriew i(Late) Bah Martin N Majaw, MLA, Mawhati, u la wanrah ia ka The Meghalaya (Extension and Application of The Bengal Eastern Frontier Regulation (Inner Line) Bill 1979 ba la rah da u (Late) Martin N Majaw, MLA ha iing dorbar ha u snem 1979, hynrei kaba sngewsih ba ka Sorkar FORUM Jong u (late)B. B. Lyngdoh Chief Minister ba la ialam da ki seng riewlum bad congress kim shym la pdiang ia katei ka Bill namar la wanrah na u dkhot ka liang pyrshah.
Hadien ba ki MDC ka KHADC ki la mynjur ia ka “The Khasi Hills Autonomous District (Inner Line as adopted from the Easter Frontier Regulation 1873) Bill 2018” kum ka jingbuddien ngi iohi ba la mih sa ka Meghalaya Assembly kaba katduh katwai ha ka jingiakhih kaba jur ki la pdiang bad mynjur lyngba ka Rai Dorbar (Official Resolution)kaba kyrpang shisngi (special session) ha ka 19 Dec 2019 ban dawa na ka Sorkar India ban pyntreikam ia ka ILP ha baroh kawei ka jylla.
Ka KSUP ka iohi ia ka jingleit Delhi U CM Conrad Sangma bad ka Cabinet bad ki MLA Imat ki lah ban kylla pynban tang ka dur Bula wieh Rong Tang ha ki kotkhubor bad ba u Myntri ka tnad Home Affairs Sorkar India u la ong ia u CM, ka Cabinet bad ki MLA sa wan ynda dep ka Christmas 2019 bad kumba ka paw imat ka Sorkar India ka leh bym Khein snep. Lane ka lah ban dei ba kim da don eh ka Mon ban dawa ILP shu pynhun Jubor ia ka jing tynruh eh ki seng Bhalang bad ki paitbah tang ban skhem ka shuki.
Bad dei halor kane ka phang u bah H.S Shylla bam kwai ha dwar u blei , Chief Executive Member, KHADC barim u la leit ai da ka Mokotduma (case) sha iing kashari kaba ha khlieh duh ka Supreme Court. Bad ngi Pynthikna ba ka Supreme Court ka. La pdiang ban Bishar ia ka ILP.
Hynrei kaba lyngngoh, ka long balei ki bor KHADC kiba mynta kim leit ban pynim ban buddien ia katei ka case kaba kongsan bha na ka bynta ban iada ia ka jaidbynriew khasi kiba long ki riewlum kiba kyrpang. Hato ka long arsap mo kane ka jingdawa ILP?.
Haba ki la dei ki juh ki party kiba synshar la dep mynjur ruh da ka iing Assembly baorh kawei ha jylla bad district council kaei ka jingeh ban NANG pynjari ia katei ka ILP Bill 2018 ba la phah sha ka Sorkar Jylla naduh 2018 ha Khasi & Jaintia Hills?.
Lada kan long kumne la bha ban pynduh party hapoh District Council namar ia pyrkhat party bad imat ia khuslai than ia ka vote nongwei.Kaba mut ki synshar da ka jing sngew paralok, ka jingsngew party,sngew synei bad kumta ter ter. Hynrei ym da ka jing shemphang .ka jing tip ia ki Ain bad ka jing nud ban ieng Rangbah Na bynta la ka jait bynriew.
Kum ban shu pynkynmaw ba u Late Bah HS Shylla, Chief Executive Member, KHADC, u la ieng halor ka nongrim ban ia khun pyrshah ka jingong ka Sorkar ba ka KHADC kam don bor ban pynjari ILP bad u la ieng skhem halor ka rai bishar jong ka Supreme Court ha ka The State of Meghalaya And Ors. Vrs Ka Brhyien Kurkalang And Ors ha ka 23 November 1971 bad halor ka jingkren shai ka Article 372.
Kine ki ain ki bteng (Continuance in force of existing laws and their adaptation) sub-clause (2) & (3) jong ka Constitution Ri India ba kitei ki kyndon jong ka Article 372. sub-clause (2) & (3) ki khang lad ia u President ban weng lane pynkylla ia ki ain ki ba la pyntreikam hadien lai snem ba la pynjari bad pyntreikam ia ka Constitution Ri India bad dei halor kane ka nongrim ba la pynksan ia ka ain The United Khasi-Jaintia Hills Districts (Application of Laws) Regulation V of 1952 ba la pynjari lyngba ka paragraph 19(1)(b) jong ka Sixth Schedule.
Ha iing Dorbar Thaw Ain ha ka 19 Tarik, Nohprah 2019.U Myntri Rangbah ka Sorkar Jylla U la ong ba “Donkam ia U President jong ka Ri India ban pynmih ia ka notification halor ka BEFR 1873 katkum ka jingaibor jong ka Paragraph 19(1) subclause (b) jong ka Sixth schedule Constitution ka Ri India. Bad ka Sorkar Pdeng ka la weng pynban ia ka kyntien “Khasi and Jaintia Hills” naka preamble jong ka Bengal Eastern Frontier Regulation 1873 ha u snem 2019.
Hynrei ka article 372(3) jong ka constitution ka Ri India ka la kren shai ba u President jong ka Ri India um lah ban pynkylla ia ka BEFR 1873 hadien lai snem naduh ba la ioh ia ka Constitution of Ri India. Kumta ngi lah ban ong ba ka jingweng jong ka sorkar pdeng ia ka kyntien “Khasi and Jaintia Hills” ka long beain bad ka long kaba thombor ia ka Hok.
Kumba kynmaw ba ha ka jingialeh Hill State ki MLA Khasi, Jaintia bad Garo kum shibynta ban ia khih ki la resign ia la ka jinglong MLA ban hap pynlong election kum kawei na ki lad jingiakhih, kumta ngi kyntu ia baroh 30 ngut ki KHADC ban shim bad ialam ia ki lad jingiakhih halor ka hok ka KHADC ban pynjari ia ka ILP.
Namar ka jingrung laitlan kaba shyrkhei jong ki nongwei sha ka Ri Khasi ka dang jur katba dang mih ki sngi. Kumta ngi dawa bad kyntu jur ia baroh laiphew ngut ki MDC ba kin ia len ia ka tulop MDC Jong ki tang 1/8 share bad ban kynshew ban leit sha iing bishar Supreme Court ban ioh ia ka hok ha kaban lah ban pynjari ia ka ILP hapoh u pud u sam jong ka KHADC bad JHADC, ia ka shithi la soi da u bah Rastingwel Thabah shongknor bad u Egenstar Kurkalang Secretary.
