Shillong, Nohprah 05: U President ka MPCC u bah Pala la ong ba kala don ka jingialang hapoh ka party ba lada don ki MLA bad MDC kiba kwah ban ia khin ilekshon yn nym pynduh tiket ia ki, ka jingkynnoh ban pynduh tiket ka dei tang ka jingkynnoh kam don kaba kum katta.
“U Bah George B Lyngdoh um dei u ba riew spah mynshuwa ha ka por ba ia leh ilekshon mynshuwa la ia kyrshan lang kum ka party ha katto ka por, wat ia nga ruh baroh ia kyrshan lang kum ka party ban shu kynnoh ba tang na ka bynta ka pisa dei tang ba shu kwah pynthoh bria” ong u bah Pala.
U bah Pala la ong ba ym don da kawei ka jingkynnoh la shu phah kren ha u bah James, haba ia dei bad bah James la ong ba kam don kano kano ka jingkynnoh, la ai kam ruh ia u ban peit ia ka Mawphlang, hynrei mynmiet mynmiet pat phone sha ki MLA, ki MDC, ki Youth President wat iarap ia ka Congress ai ba kan rem.
Haba ia dei bad ka jingweng ia u bah James la ong ba dei ka jingialang jong ka kommittee ba ki MLA bad ki MDC ki don ki long ong ba kum kane dei ban weng noh, ym dei ma nga ba weng dei ka committee kaba weng ia u bah James ba um dei ban long u ban peit bad la thung noh ia u bah Kimfa S marbaniang MLA ban peit.
Ka jingkynnoh u bah James ka dei tang ka jingkynnoh namar ba um don da kiwei pat ban kynnoh, ka jingkynnoh pyrshah ia u dei tang ka jingkynnoh tang ban trei ruh pat ioh trei bha.
