Shillong, Nohprah 05: Ki nongkhaii bar ri ia kaba la tip kum ki “Exporter” na kane ka jylla Meghalaya kila pynpaw ia ka jingsngew kyndit, khamtam eh ia kito kiba dang ialeh ban register ia lade kum ki nongkhaii bar ri namar la rah ia ka ophis na Shillong sha Guwahati.
Ka ophis jong ka sorkar pdeng ‘Ministry of Commerce and Industry’ ka ophis jong u Deputy Director General jong ka tnad khaii bar ri kaba don ha Morello Building, Shillong la rah noh ia kane ka ophis ba don kam jong ka sorkar pdeng sha Shillong.
Halor kane ka jingud jingnam jong ki briew kiba kwah ban sdang ia ka kam khaii bar ri, ban pynshisha ia kane u SP News Agency u la leit sha katei ka ophis ha Shillong ban peit la ka dei shisha ne em kata ka jignong ba la rah sha Guwahati.
Haba la leit sha katei ka jaka ba don katei ka ophis la khang bad ia ka kyrteng jong ka ophis ruh la pyndam bad haba la pyrshang ban wat jingtip la ong ba la rah sha Guwahati hynrei hangno ka jaka pat khlem pyntip.
