Khliehriat, Nohprah 06: Ka party Congress East Jaintia Hills Units kala ioh ban plie iaka ophis Jong ka party dangshen haka shnong Lad Rymbai Dongwah. La pyniaid iaka jongialang da u Working President ka Khliehriat Block Congress Committee U Ma Thynda Sana.
La ioh ka jingkren pdiang daka kong Jhanika Siangshai President, East Jaintia Hills District Mahila Congress Committee. U kongsan hakane ka sngi u Ma Deibormi Syad U President ka Khliehriat Block Congress Committee.
Haka jingkren jong u kongsan, ula iaroh shikatdei eh ia baroh ki nongkitkam jong ka party ba lyngba ka jingiasnohkti lang baroh ki dkhot jong ka party la lah ban plie iakane ka ophis jong ka party.
Ka long ka jingkyrkhu kaba khraw iaka party haba ioh ban plie iakane ka ophis namar lyngba ka jingdon jong ka ophis ka party la lah ban Shakri khambha bad pyniajan shuh shuh ia ngi bad ki paidbah. Ula kyntu ia baroh ki dkhot bad ki paidbah ban wan sha ka ophis Lada don kano kano ka kam.
La donlang hakane ka sngi ki long U Ma Chielang Lyngdoh (President ka Sohkymphor Congress Unit), U Ma Khmihbha Phawa (President Wapungskur Congress Unit), U Ma Gerald Phawa bad U Ma Bhalang Bang Vice President ka KBCC, U Ma Wanbud Dkhar Working President Pamrakmai Congress Unit U Tyrshain Siangshai.
Ha kane ka sngi la dong lang ruh Vice President 7-Shnong Congress Circle bad kiwei kiwei ki Dkhot bad ki nongshahkhot sngewbha. Ia kane ka kyrwoh la pyllait da U General Secretary ka Khliehriat Block Congress Committee U Ma Rimis Dkhar. Plie u President ka Khliehriat Block Congress Committee iaka ophis ka party Lad Rymbai
