Shillong, Nohprah 10: U Nongialam ka party National People party, u Deputy Speaker jong ka iing dorbar thawain ka jylla u Timothy D Shira la ong ba kala don ka jingialang jong ka party AITC ha North Garo Hills ba pynrung ia ki 11 ngut ki MDC sha ka party AITC, hynrei ka jingpoi jong ki briew sha kane ka jingialang kam dei kaba bun paidbah.
U Timothy ba dei ruh u MLA jong ka Resubelpara la ong bay m baroh ki ban bud sha ka seng thymmai AITC, kin don kiba sah bad ka party kaba ki don kata ka Congress, kin don kaba kin leit sha kiwei ki party ruhkum juh, kane kan long ka kabu ban phet seng ia kiba kwah phet.
Haba dei kyrpang na Resubelpara la ong ba um tharai ba ki briew kin leit sha ka AITC, ki ban leit ki lah ban long tang hadpeng 10% bad 20% hynrei kiba bun kin sah hi hapoh ka party Congress kiba bun kin nym lah abn ieh ia ka party Congress.
U Deputy Speaker la ong ba ki ia kren ba ka congress kala jan duh ha Garo Hills, kane ka dei tang ka jingkren, kam dei kaba suk ba pynduh ia ka party Congress, la pynkynmaw ba ha ka por ba ki mih ban leit sha ka NCP ha kito ki snem, ym baroh kin but ia ka NCP hynrei kiba bun ki sah bad ka party Congress, mynta ruh kan long kum juh.
Haba ia dei bad ka NPP ka jingwan ka AITC kan don ka jingktah hynrei kam dei pat kaba haduh katta katta, ym baroh kiba leit sha katei ka party namar ki paidbah ki sngewthuh ba ia katei ka party ia ka bor ym bat na Kolkatta.
U Nongialam ka NPP u la ong ba ka jingkam bala pynjah ia ka party Congress kam dei kaba shisha, kane ka party kala synshar ia ka Ri bad ka jylla da ki bun bun snem kumno kin kamba la lah ban pynduh ia kane ka party.
Ha ka MLA ilekshon 2023 kin don ki ban jop na ka party AITC ha Garo Hills hynrei kin nym jop bun, ha Khasi Hills kan long kaba eh ba kin jop namar ki paidbah khamtam ha Khasi Hills ki kham pher ka rukom pyrkhat wat ha Garo Hills ruh kum juh.
Haba ia dei bad ka jingleit jong u Dr. Mukul Sangma sha ka AITC un nym ong ei ei namar ka dei ha u ban shim ia ka rai, lada u ong ba ka dei kaba dei ka shong ha u lada u ong kaba bakla ruh ka shong ha u un nym don ei ei ban ong ia kane namar ka dei ka rai jong u Dr Mukul.
Haba phai sha ka NPP la ong ba kumba ka long mynta kan don kata ka jingtip ban ong ba kin don kiba leit na ka NPP sha ka AITC, hynrei da la jan ielekshon kata ym lah ban ong hynrei ia mynta un don, ioh don ki briew na ka AITC kin wan sha ka NPP ruh kin sa peit ia kata da dei por ilekshon.
