New Delhi, Nohprah 12: Ka Tnat Social Justice and Empowerment jong ka Sorkar Pdeng kan pyllait ia ka National Helpline Against Atrocities (NHAA) ha ka 13 tylli Nohprah, 2021 da ka jingthmu ban pynthikna ka jingpyntreikam bha ia ka Scheduled Castes and the Scheduled Tribes (Prevention of Atrocities){PoA} Act, 1989 kaba la pyntreikam da ka jingthmu ban iada na ki jinglehbein ia ki jaitbynriew Scheduled Caste (SC) bad Scheduled Tribe (ST).
Ka NHAA kan treikam baroh arphew saw kynta ha u toll- free number 14566 ha kylleng ka ri. Lah ban phone lyngba ka voice call/ VOIP na ka mobile lane na u number landline lane kino kino network ha kylleng ka ri. Kane ka jingshakri ka don ha ka ktien Hindi, Phareng bad ki ktien tynrai jong ki Jylla/UT. Kan sa don ruh ka Mobile Application.
Ka jingthmu jong kane ka helpline kalong ban wanrah ka jingpyntip bad sngewthuh shaphang ki kyndon jong ka Ain kiba thmu ban pynduh ia ka jingsngewiapher jaitbynriew bad ban ai ka jingiada ia baroh.
Kane ka sienjam kan pynthikna ba man ka jingujor la pynrung kum ka ejahar, yn ai jingiarap, yn tohkit ia man ki jingujor ba la ujor bad yn pyndep ia ka kam ha ki iingshari – hapoh ka por ba la buh da ka Ain. Lah ban ioh ruh ia ka NHAA lyngba ka rynsan online ka ban pynsngewthuh shaphang ka Protection of Civil Right (PCR) Act, 1955 bad ki ain jong ka ruh kumjuh.
Yn ai ia u Docket number na ka bynta man ka jingujor ba la ioh na ki lanot, ki nongujor/ki kynhun trei mon sngewbha ha kaba iadei bad ka jingpynkhein ia ka POA Act,1989 bad ka PCR Act, 1955. Ki nongujor ne ki kynhun ki lah ban buddien ia ka jinglong jingman jong ka jingujor lyngba ka bor internet.
Na ka bynta kino kino ki jingtip yn jubab da ka IVR lane ki nongpyniaid ha ka ktien Hindi, Phareng bad ki ktien tynrai. Kane ka helpline kan sdang da ka jingthmu jong ka Single Point of Contact bad kan don ia ka rukom ai jingmut kaba biang bha.
