Shillong, Nohprah 14: U Justice Mahesh Mittal Kumar dkhot jong ka National Human Right Commission (NHRC) mynta ka sngi u la plie ia ka jingbishar paidbah ha kaba ia dei bad ki mukotduma ha kaba ia dei bad ka hok long briew ha Shillong na ka bynta ki lai tylli ki jylla, Meghalaya Tripura bad Mizoram.
Ha kane ka jingkren plie kum u kongsan u justice Mahesh la ong ba ki sorkar jylla ki don ia ka bynta kaba kongsan ban iada ia ka hok long briew man briew bad kan ai ka jingiada ban pynpaw ia ka jingsngew jong u ne ka briew ban kren.
Ka bynta jong ki sorkar ka long ban iada ia ka kam khaii briew ha kaba ka NHRC ka peit bha ia kane ka bynta, ka jaka sah jong ki briew ha ki long ha police station, ha phatok bad kine ki long kumno ba ia ka hol long briew ban pynneh pynsah.
Ki paidbah ki don ia ka hok ban ioh, ki jaka pule, ki jaka sumar ha kaba ka sorkar kan hap ban thung ia ki nongtrei la kid ei ki doctor ne ki nurse ha ka PHC bad ki CHC , dei ban biang ki jaka sam jingbam kine ruh ki dei ki bynta kaba ki paidbah ki don ia ka hok ban ioh.
Dei ha ka 10th Nohprah 1948 ba ka United Nation kala shim ia ka rai ban don ia ka jingbat ryntih ban iada ia ka hok long briew man briew bad ki ri jong ka pyrthei kila bsiap ia kane ha ki khyrngit jong ka Riti Synshar.
U Justice Mahesh la ong ba ka jingpynlong ia kine ki jingbishar paidbah ha ki bynta bapher bapher jogn ka Ri ka long ban pynioh ia ka jingbishar kaba kloi bad ha ka juh ka por ban pynshai paidbah ha kaba ia dei bad ka Hok Long Briew man briew, u briew naduh ba dang kha u la don ia ka hok ba un ioh ia ka jingiada.
Ha ka jingkren u Secretary General ka NHRC u Bimbadhar Pradhan la ong ba ki don 19 tylli ki mukotduma na kine ki lai tylli ki jylla kiba la ujor sha ka NHRC ia kaba kin sa shong bishar ha kine ki ar sngi, la ong kane ka COVID-19 kala ktah bha hyrnei kala ruh ka jinghikai.
Kiwei kiba la kren ki long Chief Secretary jong ka jylla ka kong R V Schiang, la kren pdiang burom da u Secretary ka tand kam poh iing ka jylla u bah CVD Diengdoh, ha kane ka sngi la don ki dkhot ka NHRC, dkhot na ka MHRC, ki ophisar na ka tnad pulit, na ki CRPG bad kumjuh na ki CRPF bad ki ophisar na ki lai tylli ki jylla.
