Shillong, Nohprah 14: U Mytnri rangbah ka jylla u Conrad mynta ka sngi haba buh ia u mawnongrim ban tei ia ka iing basa kaba T.23 klur ha ka shnong Sakal A.duma ha lum Nokrek Biosphere la ong ba ka jylla kala ioh T.700 klur na ka JICA ban kyntiew ia ki kam jngohkai pyrthei ha ka jylla.
Ha kane ka jingialang plie ia katei ka jaka ban shna ia ka jaka jngohkai kaba ha West Garo Hills la ong ba na katei ka T.700 klur, la mang T.350 klur ha garo Hills bad T.350 klur ha Khasi Hills, ha kane ka sngi la don lang u Thomas A Sangma, u Marcuise N Marak, u Rakkam A Sangma bad u Ram Singh Deputy Commissioner ka West Garo Hills.
Ha ka jingkren u myntri rangbah la ongba ia kane ka jingtei, ka Eco park kan long ka jaka ba itynnad tam ha North east bad ia kane ka jingtrei yn pyndep hapoh shisnem, la ong ban pynlong ia kane ka kam kaba jop don kam ia ka jingiatreilang jong ki trai shnong namar kane ka jingtei kan long jong ki paidbah katei ka thain.
Ha kane ka sngi u myntri rangbah ka jylla u long ba shen ka sorkar kan sdang ban pyntrei ia ki jaka pynlang um ha ka jylla, kiwei kiba la kren ki long u Thomas A Sangma MLA ha ka jingkren jong u la kyntu ban peit bniah ia ka reo kum juh ia ka kam ri jingri. Ha kane ka sngi u Marcuise N Marak ruh u la ai jingkren.
U DC ka West Garo Hills u la kren pdiang burom bad ha ka juh ka por ki ophisar ka tnad jngohkai pyrthei jong ka jylla bad ia ka jingkren ai khublei la krend a ka Ava Shereen Sangma ophisar ba dei peit ia ka tura.
