Shillong, Nohprah 15: U Dkhot jong 
ka National Human Right Commission u Justice Mahesh Mittal Kumar u la kyntu ia ki paidbah ba lada don ka jingshah iuhroit ia ka hok long briew man briew pyntip sha ka Commission da ka jignthoh.
Haba kren ha ki lat pathai khubor ha dien ka jingialang kaba ar sngi ha Shillong, u Justice Mahesh la ong ba ha kine ki ar ngut kila tian bishar ia ki 19 tylli ki mukotduma,ia kaba la wan ban mih khmat da ki nongujorbad kum juh ki briew jong ki sorkar jylla.
Na kine ki 19 tylli ki mukotduma, ha Meghalaya ki don 6 tylli, ha Mizoram 3 tylli bad Tripura 10 tylli, ha Meghalaya na ki 6 tylli ki mukotduma ar tylli kidei halor ka jingiap jong ki briew ha ki krem tih dewiong beain, kawei pat ka jingiap u wei u briew ha kti ki pulit ha West Jaintia Hills.
Haba jubab ia ki jingkylli u Jusitce Mahesh la ong ba ka jingthung ia ki dkhot ha ki State Commission ka shong ha ka sorkar ban shim ia ka rai, haba ia dei bad ka AFSPA ka NHRC kam lah ban ai jingmut ban pynkylla noh ia ka.
Haba ia dei bad kiwei kiba bun ki jingkylli na ka liang jong u Justice Mahesh la ong ba kan bha lada don kiba phah sha ka commission da ka jingthoh khnang ba ka commission kan ia kren bad ki sorkar jylla haloe kita ki jingthoh, la kyntu ba lada don ka jingshah iuhroit ia ka hok long briew ujor sha ka Commission.
La iathuh ba u dap da ka jingsngew kmen ban iohi ba ki ki don ki seng bha lang kiba trei kam ha kane ka thain, ha kine ki lai tylli ki jylla, Meghalaya, Tripura bad Mizoram, ha ka jingiakren kila pynpaw ia kiba bun ki jingeh kaba ki ia kynduh bad la btah ia ki ban ai da ka jingthoh ban ioh ban leh ia kaba don kam.
Ki seng bhalang kiba la wan ban ia kynduh ia ka kynhun jong ka National Human Right Commission ki don 21 tylli baroh, ki seng kiba kham paw ki long ka KSU, HYC, HYYF, CSWO bad ki dkhot kiba la ia poibaroh ki don 39 ngut baroh.
