Shillong, Nohprah 21: Ka jingialang jong ka Kabinet kaba la long mynta ka sngi kala shim ia ka rai ban pan pisa na ka sorkar pdeng T.2500/- klur tyngka na ka bynta ban pyndait metter 100 persent hapoh ka jylla Meghalaya.
U mytnri rangbah ka jylla haba kren ha ki latpathai khubor la ong ba ka sorkar pdeng kala mang pisa T.3.59 lak klur tyngka na ka bynta ka Ri India baroh kawei bad ka jylla Meghalaya kala pynkhreh ia ka bynta ban pyntrei kam ia kane ka skhim bad ka jinglut kan long T.2500/- klur tyngka.
Ia kane ka skhim yn pyntreikam lyngba ka tnad Rural Electrification Corporation jong ka sorkar pdeng, ka jingbei pisa ia kane kan long 90% na ka sorkar pdeng bad 10% na ka sorkar jylla kane ka long shibynta ban pynbha ia ka MeECL, halor kane ka sorkar kan hap ban hikai ban pynshai ia ki paidbah.
Ha ka jignialang mynta ka ngi ka Kabinet kala ia kren ruh ia ka jingailad jong ka sorkar pdeng ban pynkiew ia ka jingshimram na ka 3% sha ka 4%, na ka liang jong ka cabinet kala pdiang ia kane, da kaba pynkiew ka jylla kan ioh ban shim ram tam da kumba T.400 klur ei ei lada ka shim.
Ka cabinet kala pdiang ruh ia ka jigntyrwa ban thing ia u bah T. Pyngrope kum u Secretary jong ka Meghalaya Dispute Redresal Forum. U mytnri rangbah ka ong ba u Bah Pyngrope dei bala shong thait na ka kam sorkar, kola don ruh kiwei ki kyrteng hynrei la jied ia u bah Pyngrope.
