Shillong, Nohprah 21: Ban shna thymmai ia ki ophis jong ki Deputy Commissioner, ki ophis jong ki Block bad ban maramot ia kiba la don, ban shna ia ki iing skul, ki police station ha ka jylla, ka jingialang jong ka cabinet kala shim ia ka rai ban shim ram T.1500 klur na ka NABARD.
U Myntri Rangbah ka jylla haba kren ha ki lat pathai khubor la ong ba, ka sorkar jylla kan shim ia kane ka ram na ka NABARD katkum ka jingkhein kaba katei ka shant treikam jong ka sorkar pdeng kala ai ia ka jingkhein ba ka jylla Meghalaya kalah ban shim ia kane ka ram.
U Myntri Rangbah la ong ba kane ka pisa kam shym rung ha ka mang tyngka jong ka sorkar jylla, kum ba ka long ka jylla ka don kam ia ki opis jong ki ki Deputy Commissioner, ki ophis jong ki Block, ki iing skul da kane ka pisa kin sa shna ia kitei ki iing kiba don kam.
U Myntri rangbah la ong ba kane ka ram kan long ba ka sorkar kan hap ban siew hapoh ka 15 snem bad ha ka sut kaba 7.5%, kane kan long ka jingmyntoi na ka bynta ja lylla Meghalaya ban shna ia kine ki iing ki snem kiba ka jylla ka don kam. Ia kane ka rai ka sorkar kan sa phah noh sha ka NSBARD ban ioh ia kane ka ram.
