Shillong, K.Lyngkot 06: Ka samla Wansalan Dkhar kala iathuh ba na ka jylla Meghalaya na ka Meghalaya Taekwondo Team kiba wan ia shim bynta ha ka jingialehkai ha Utter Pradesh ia kaba la tip kum ka 1st Indo Nepal International Taekwondo Championship kiba la wan iashim bynta baroh ki don 11 ngut.
Haba kren ha ki lat pathai khubor ha Shillong Press Club ka samla Wansalan ka la iathuh ba na ki 11 ngut kaba kila leit ban ia shim bynta 10 ngut kila ioh khur ia ki takma ha katei ka jingialehkai, ki takma ksiar ki don 4 tylli, 4 tylli takma rynong, 2 tylli ki takma rupa bad kane ka long ka jingkmen kaba khraw.
Kane ka jingleit ia shim bynta ha katei ka jingialehkai ka long ba ki mih khmat ia ka jylla Meghalaya, ki dap da ka jingsngekmen ba kila lah ban wanrah ia ka burom sha ka jylla bad ka jingkhublei ka leit sha kiba ha iing ha sem kiba la kyrshan tyngeh bad ia ki MLA ruh kum juh kiba la iarap.
Ha kane ka jingleit ialehkai kam da don kata ha kingeh namar ba la buh ai ki kyndon kaba ki hap ban bud ryntih ia kaba la bthah ba kin bud, na ka liang jong kine ki nongialehkai ba ka sorkar kan iarap ia ki, kane ka kynhun ka hap hapoh jong ka Meghalaya Taekwondo Assiciation.
Kiba la leit ban ia shim bynta ki long Michel Syiemlieh, Lanosha Marbaniang, Wansalan Dkhar, Francis Hek, Chandana Hajong, Vikasha Kumar Mishara, Vrinder Singh Pradeep Singh, Sangeeta Rabha, Ujjal Barua, Sunny Kr Shah kine ki dei na ka Meghalaya Taekondwondo Training Academy.
