Shillong, K.Lyngkot 11: La shai ka sngi u myntri rangbah ka jylla u Cornad K Sangma bad u Myntri Rangbah ka jylla Assam u Hemanta Biswa Sarma kin ia kynduh biang la shai ka sngi ha Guwahati ban bteng ia ka jingiakren halor ka jingiapynbeit pud ha pdeng kine ki ar tylli ki jylla.
Katkum ki thymmai khubor kiba la ioh la iathuh ba kane ka jingiakren kan long halor ki hynriew tylli ki jaka kiba la dep ban thung ia ki lai tylli ki regional committee kaba la khlieh da ki myntri cabinet jong ka sorkar Assam bad Meghalaya.
Na kine ki lai tylli ki Regional Committee kiba la thung da ki ar tylli ki sorkar jylla, ar tylli na ki kila dep ban phah ai ia ki kaiphot sha ki mytnri rangbah jong ki jylla ia kaba kin sa ia kren la shai ka sngi ha Nongbah Guwahati.
Kane ka jingiakren la shai ka sngi kan long ha pdeng ki ar ngut ki myntri rangbah ka jylla Assam bad Meghalaya ha kaba yn synranlang ki myntri na baroh ar tylli ki jylla kiba dei ki shongknor jong ki Regional Kommittee bad ki dkhot jong ki committee ruh kin ia don lang ryngkat ki ophisar.
Ka sorkar Meghalaya kala buh ha khmat ka sorkar Assam ba ki don 12 tylli ki jaka kiba don ka jingiakam kaba mar kylliang bad na kine ki 12 tylli ka jingiakren kiba la ia pynbeit ban iakren shuwa ia ki 6 tylli ki jaka ba don ka jingiakam mar kylliang.
