Shillong, K.Lyngkot 14: Mynta ka sngi u bah M Kharkrang IG jong ki pulit ba dei peit ia ka tnad phatok mynta ka sngi u la pynlait paidbah ia ki san tylli ki kali ban kit ki koidi na Phatok sha ki iing bishar kine ki kali kiba la pynlait paidbah mynta ka sngi ki don san tylli ia kaba ynsa phah sha ki District.
Haba kren ha kaba pynlait paidbah ki kine ki kali ban kit ia ki koidi u bah Kharkrang la ong kum ka jingwanrah ia ka jingkylla ha ka rukom trei kam hapoh kane ka tnad ka sorkar kala pynkhreh ban pynkylla ia ka kyretng na ka “Phatok” sha ka “jaka Saindur”.
Ka sorkar ka kwah ban wanrah ia ka jingkylla da kaba shim ia ki lat ku lynti ban wanrah ia ka jignylla ha ka long briew man briew, ka sorkar kala hikai ia kiba don ha Phatok kum ban ieng hala ki jong ki kjat da ki jaitkam bapher bapher. Ym tang katta hynrei kan ialeh ruh ban pyniohjaka trei ynda ki la mih na phatok.
Ka sorkar ka hikai ruh ia shibyn ki jingialehkai da ka jingiatreilang bad ka Indian Oil Corporation Ltd, la hikai ruh ba kumno ki nongtrei ka tnad kin don ka jingiadei bad ki koidi kiba shah set ha phatok.
Kane ka tnad sorkar kala ioh ruh ia ka jaka sha New Shillong ban tei ia ka Phatok kaba heh duh ha kane ka jylla ia kaba la tip kum ka Central Prison, ha kane ka sngi la don lang ruh u Superintendent ki pulit jong ka East Khasi Hills u bah S. Nongtnger ha ka jingiadon lang ruh kiwei ki ophisar.
