Shillong, K.Lyngkot 16: Ka tnad ka koit ka khiah mynta ka sngi kala pyntip ba kiba la dep ban ai tika baroh haduh mynta ka sngi ha Meghalaya kila kot sha ka 22,03,476 lak ngut kane ka kynthup ia baroh ki rta.
Kiba la dep ban ai ia ka tika kaba nyngkong ki long 12,80,189 lak ngut, kiba la pyndep ia ka tika kaba ar sien ki long 9,12,784 lak ngut, kiba la ai ia ka tika ban iada ki don 10, 503 hajar ngut haduh mynta ka sngi.
Na ka liang jong ka tnad ka koit ka khiah ka kyntu ia ki paidbah ban wan sha khmat ban ai tika ban iada na kane ka jingpang COVID-19 positive ha kane ka jylla, kane ka jingai tika ka dang iaid sha khmat ha ka jylla ban ia khun pyrshah ia kane ka khlam COVID-19.
