Shillong, K.Lyngkot 18: Mynta ka sngi u Dr. W.R Kharlukhi State President ka party NPP Meghalaya State Unit u la pynbna ba namar ka don tang ka kyrteng u Conrad K Sangma ba thep kyrteng kumta la pynbna ba la shah jied biang kum u National President.
U Abhya Kayshyap nongai ktien ka party ba dei ruh u Returning Ophisar na ka bynta kane ka ilekshon hapoh jong ka party la ong ba na ka bynta kam National Organizing Secretary la jied ia u Thomas A Sangma.
Haba ia dei bad ka kam ban bat ia ka pla pisa jong ka party ia kane kam ia mynta ka dang long thylli, la ong ba kane ka ilkehson kaba kila pynlong mynta ka dei na ka bynta ka smoi kit kam jong u snem 2022 haduh ka snem 2025, kane ka long katkum ki kyndon kiba la buh da ka Election Commission jong ka Ri India.
La ong ba ki don ki kam ba lait ba dang hap ban jied da ka ilekshon hapoh ka party, ha kane ka sngi u National Presidetn jong ka party u Cornad K Sangma u la pynlait paidbah ruh ia ka Almanak jong ka party.
