Shillong, K.Lyngkot 19: Ka jingpynkhreh ban rakhe ia ka jigndap 50 snem ka jylla ha ka 21/01/2022 ha Jawaharlal Nehru Stadium kala iaid sha khmat bad la shai ka sngi la lah ban pyndep ia ka jingpynitynnad ia katei ka jaka ba kin briew kin poi ban ia shim bynta ha kane ka jingrakhe ia ka jingdap 50 snem ka jylla.
Ia kane ka jingrakhe ia ka jingdap 50 snem ka jylla Meghalaya ha ka 21/01/2022 yn pyni paidbah lyngba ki Telibishon, Ne. Lives bad ka DD Meghalaya, lyngba ka DIPR Facebook ha kaba ki paidbah na kylleng ki lah ban peit ia kane ka jingrakhe ka ban sa long ha JN Stadium.
Kat haduh mynta ka sngi ka jingpyntrei ban shna ia ka jaka rakhe ia kane ka Golden Jubilee jong ka jylla kala iaid sha khmat bad ka jingpyntrei ka iaid bad la buh ban pyndep la shai ka sngi ia kane ka jingpynkhreh kaba ka sorkar kan sa pynlong ia ka jingrakhe ha JN Stadium ha Polo.
Lah ban kdew ba kum ka seng HNYM ha kine ki sngi kala pynbna ba kan rah lama iong ha ka sngi rakhe ia ka jingdap 50 snem ka jylla Meghalaya ia kane la pynbna da u President kane ka seng u bah Louis Dohtdong bad kane ka jingleit rah lama iong kan long ha jaka ba ka sorkar kan pynlong ia ka jingrakhe ia ka jingdap 50 snem ka jylla.
Ban pyrshah ia kane ka jingrakhe u MLA jong ka 17-North Shillong u bah Adelbert Nongrum u la dep ban sdang ia ka jingpyrshah da kaba shong kyllain mungor ha Madan Malki ia kaba yn sa pynkut ha ka 22/01/2022 por 10 baje mynstep ia kane ka jingpyrshah. Ka jingkyrshah jong u ka long halor ka nognrim ba ka jylla kam shym la ioh ia ki jingdon kam ki paidbah.
