Shillong, K.Lyngkot 28: U Myntri Rangbah ka jylla Meghalaya u Conrad K Sangma mynta ka sngi u la iathuh ba shuwa ban shah khot ha u Amit Shah myntri ka tnad kam poh iing ka sorkar pdeng la shai ka sngi ki ar ngut ki mytnri rangbah ka Meghalaya bad Assam kin ia kynduh ha Guwahati.
U Mytnri Rangbah ka jylla Meghalaya la ong ba ha ka jingiakynduh la shai ka sngi kyrmen ba kin lah ban ia pynbeit ia ki jingiakam pud mar kylliang hapdeng kine ki ar tylli ki jylla ha ki hynriew tylli ki jaka kiba don ka jingiakam pud.
Kane ka jingiakynduh ha pdeng ki ar ngut ki mytnri rangbah ban ia pynbeit ia ki hynriew tylli ki jaka kala long bun sien haduh ban da poi sha kane ka kynti ban iakren ha khmat ka tnad kam poh iing ka sorkar pdeng.
Ki jaka kiba ka Meghalaya bad Assam kaba ki kam ba ki don ki jingiakajia ki don khat ar tylli ki jaka bad ka jingiakren ka dang iaid ha ki hynriew tylli ki jaka bad kiba dang sah ki don sa hynreiw tylli ia kaba ki ar ngut ki myntri rangbah kin sa shim ia ka jingiakren ia ki jak kiba dangsah.
