Shillong, K.Lyngkot 28: Mynta ka sngi ka jingialang jong ka kabinet kala shim ia ka rai ban phah ia ka jingai jingmut sha ka sorkar pdeng ha kaba ia dei bad ka jingpynkylla ia ka khyrngit kaba hynriew jong ka riti synshar ka Ri India ha kaba ia dei bad ki District Council.
U Myntri Rangbah ka jylla u la ong ba ka jingai jingmut na ka sorkar Meghalaya kaba kin phah sha ka sorkar pdeng ka long halor ka jingpynbun ia ki Konstitwensi ha ki District Council bad ka jingshna ia ki Village Council.
Hab ia dei bad ki Konstitwensi ha ki lai tylli ki District Council kaba ka kabinet kala shim ia ka rai ban ai jingmut sha ka sorkar pdeng na ka bynta ka KHADC bad GHADC kin nym palat ia ka sawphew tylli ki konstitwensi.
Na ki 40 ngut na kine 4 ngut dei ban shu thung bad ia kiwei 36 ngut dei ban jied da ka ilekshon. Haba phai sha ka JHADC ki konstitwensi kin don 32 tylli bad na kine 2 ngut yn shut hung bad kiwei pat yn die da ki paidbah lyngba ka ilekshon.
Haba ia dei bad ki Village Council na ka liang jong ka kabinet kala shim ia ka rai ban ai jingmut sha ka sorkar pdeng ban jied ia ki Village Council hynrei ia u shongknor pat dei ban long da u Rangbah Shnong, sordar, Nokma kin long ki shongknor jong ki Vilalge Council kine kin long ki ar tylli ki jingai jingmut kiba ka sorkar kan ai.
Na ka liang jong ka sorkar kala shim ia kane ka rai ban phah ia kane ka jingai jingmut sha ka sorkar pdeng ka long ha dien ba kila dep ban ai mir jingmut bad ki District Council ki rangbah shnong.
