Shillong, K.Lyngkot 29: Mynta ka sngi u bah Nickey Nongkhlaw National Workng President ka National People’s Youth Front u la pynkhamti ia ka kam State President NPYF ha u bah Kitborlang Nongrem na ka bynta ka jylla Meghalaya.
Haba kren ha ki lat pathai khubor u bah Nickey u la pynpaw ia ka jingsngew kmen ba ka party kala ioh ia u State President ba pura na ka bynta ka kam NPYF, la ong ba ia kane ka kam la bat bun bun snem hynrei namar ba la shah jied kum u national working president ka seng ki samla la hap ban jied noh da u wei.
U Bah Kitborlang Nongrem haba kren kum u President ka NPYF u la ong ka kam kaba ha khmat eh ka long ba un leit sha baroh ki District ban pynkhlain ia ka shnat ki samla, ha ki District kiba la don yn dang pynkhlain shuhs huh bad ha kiba ym pat don un thung thymmai.
Kane ka dei ka kam kaba ha khmat eh ban pynkhlain ia ka shnat ki samla jong ka party NPP ha ka jylla hi baroh kawei, ha ka juh ka por kin sdang noh ia ka jingpynrung kyrteng ia ki samla sha kane ka party ha ka jylla baroh kawei na ka bynta kito kiba la don bad ki ban dang wanrung.
Bah Nongrem la ong ba ki don bun kiwei ki mat trei kam kaba kin shim hynrei ia mynta kin sdang shuwa ia kitei ki ar tylli ki mat namar u dang shimti ia ka kam kum u president ka NPYF ha ka jylla Meghalaya. Ha kane ka sngi la don ruh kiwei kiwei ki nongkit kam ka party ban sakhilang ia kane ka sngi.
