Shillong, Rymphang 28: Mynta ka sngi k seng samla jong ka party UDP kala jied ia u bah Kyrmen Shylla MLA ba dei ruh u myntri ha kane ka sorkar MDA kum u president ba thymmai jong ka seng samla party UDP ha ka jingialang bala long mynta ka sngi ha Shillong.
Haba kren ha ki lat pathai khubor u President ba thymmai u bah Kyrmen Shylla la ong ba mynta ka sngi kala don ka jingiakynduh ka kynhun ki seng samla jong ka party UDP hapoh ka jingialam jong u bah Embhah Syiemlieh MLA barim kum u President, ha kane ka kylla step kaba nyngkong ki nongialam kila ia mir jingmut kumno ban pynkhlain ia ka party na ka bynta ka ilekshon ban long ha u snem 2023.
U bah Kyrmen Shylla haba kren kum u president ba thymmai la ong ba u la pynbeit ban pynlong ia ka jingialang ha ka 7/03/2023 ha kaba kin ia shong ban ia kren ha kaba ia dei bad kaei kaba kila ia kren mynta ka sngi bad ha dien ba kila dep ban ia kren kin sa pyntip sha ki paidbah ia kaei kaba kila ia rai mynta ka sngi, ka jingkhot ia ka jingialang ka long ba um kwah ban rai marwei hynrei dei ban ia kitlang ia ka kam.
Kum ka seng samla jong ka party kan ia kren ia kaei kaei kaba ki iohi kumno ban pynkhlain ia ka party, kaei kaba kin ia kren ka long ba kin nym shim ia ka rai, kum ka seng samla kin ai jingmut sha ka party kumno ban leh ban pynkhlain ia ka party.
Haba shim ia ka jingdon ki samla hapoh ka iing dorbar thawain jong ka jylla na ki party dei ka UDP, kum ki samla kin trei shitom bad ba kin dang lah ban khring shuh ia ki samla sha ka ka seng bad kum ki samla ki lah ban leh shibun ki kam na ka bynta ka jylla namar ka UDP ruh ka lah ban leh bun ki kam na ka bynta ka jylla.
La ong bah aka party UDP kam dei tang na ka bynta ki shynrang bad kan long ruh na ka bynta ki kynthei bad ki dang don sa ar tylli ki kam kiba la mang kyrpang ban thung ia ki kynthei, kum ka party kam kwha ban don ia kita ki shnat ia ki kynthei ne shynrang hynrei kim ki samla kina ia treilang.
Ha kane ka jingialang la ia kren ruh ba ailad ia ki Konstitwensi bad ia ki District ba kin dang wat noh ia ki kyrtong bad da ka jingwan ki samla sha khmat ka party ruh kan ailat ban tip kino kiba kwah shisha kiba kwah ban trei na ka bynta jong ki paidbah bad ka jylla baroh kawei.
Ha kane ka ki samla jong ka party UDP kila ia poi na kylleng ki District bad u President ka party u bah Metbah Lyngdoh, u la ai jingkren sha ki samla jong ka party, ha kane ka sngi la don lang ruh general secretary jong ka party u Dr. Jemino Mawthoh bad kiwei ki nongkit kam ka party ruh kila ia don lang.
