New Delhi Nailar 16: Ka Rashtriya Uchattar Shiksha Abhiyan (RUSA) ha ka jingai jingmud ka jong ka ka long ba kawei ka university kam dei ban pyniasoh palat 200 tylli ki college bad ia kane la dep phah sha ki university bapher bapher ha ka Ri.
La ai nuksa kum ka Osmania University ka don haduh 901 ki college kiba pyniasoh bad ka bad ka 811 college kiba don hapoh jong ka Pune University. Rashtrusant Tukadoji Maharaj University Nagpur ka don haduh 800 college kiba pyniasoh bad ka Rajasthan bad ka Mumbai University ka don 735 bad 711 colleges bad haba shim kyllum kawei ka Univerity ka don 300 tylli ki college.
Kumba ka long mynta la don kam ban dang don shuh ki Univerity namar ki college ruh ki la dang mih. Kane ka pisa shilak klur ka dei na ka bynta ban pynmih shuh ia ki Univerity bad ia ki college bad kan kan iarap ruh ia ki samla ba kin ioh ban pule sha ki kyrdan kiba kham sha jrong.
Ka Rashtriya Uchchatar Shiksha Abhiyan ka dei ka skhim thymmai kaba ka sorkar pdeng ka la bei pisa. Ki sorkar jylla ki hap ban peit bad ban ialeh ban kyntiew ia ki jaka pule ha ka liang baroh ba um dei ban don tang ki jaka pule hynrei ka dei ban don ruh ka jingbha ha kaki jaka pule, kane ka long katkum ka jingpah khubor ka PIB.(SP News)
