Shillong, Iaiong 05: Ka tnad ka koit ka khiah mynta ka sngi kala pyntip ba kiba la test COVID-19 positive mynta ka sngi ki don 4 ngut, na East Khasi Hills 2 bad West Garo Hills 2 ngut, ha ka jylla baroh kawei kiba dang shitom na kane ka jingpang ki don 15 ngut ba shah sumar ha Hospital 1.
Ka tnad ka koit ka khiah kala pyntip ba mynta ka sngi bala koit na kane ka jingpang don 1 bad ta dei na West Khasi Hills District, kiba la koit baroh na kane ka jingpang naduh ba sdang haduh mynta ka sngi ha ka jylla baroh kawei kila kiew sha ka 92166 ngut.
Ka tnad ka koit ka khiah kala pyntip paidbah ruh ba u don u number 14410 ba ki paidbah ki lah ban kylli ha kaba ia dei bad ka jingpang COVID-19 positive, lada don kam kyrkieh pat ki paidbah ki lah ban pyntip sha une u number 108.
