Shillong, Iaiong 14: U bah Charles Marngar MDC jong ka Mawhati u la pynrem jur ka sorkar Meghalaya khamtam ia u myntri kam poh iing ka jylla u bah Lahkmen Rymbui ha kaba u la ong bay m lah ban wanrah ia ki lai ngut ki briew kiba la shah kem ha ki pulit Assam na shnong Sabuda ha ka sngi u blei.
Ki lai ngut ki briew kiba la shah kem na ka shnong Sabuda ki long u bah u bah Barson Lawai, bah Stanling Khriam bad u bah Disparsing Mukhim, namar ka jingbym leh ei ei ka sorkar ban iarap iala ki jong ki briew mynta u la pynkhreh ban aiti ha ki Muktiar ban pynlait jamin ia ki tei ki lain gut.
Haba jubab ka jingkylli u bah Charles u la ong ba kaei kin khmih lynti ka sorkar haba shah shoh u Deputy Superintendent ki kam sym la leh ei ei, ban ia ki riew paidbah lei kan kheinsnep leit ka jingkren u myntri kam poh iing kumba la paw ha ki lat pathai khubor ka long ba ka dei ka jingkren bym don jingkit khlieh.
U bah Charles u la ong ba ka shnong Sabuda ka dei ka shnong kaba don ha ka jigniakam markylliang haba kem ia ki briew jong ka jylla Meghalaya ai ki pulit jong ka Meghalaya kin tohkit bad lada kem ia ki briew jong ka Assam ai ki pulit Assam kin tohkit, hynrei kane ka jingleh khlem ai lad ia ki pulit jong ka jylla Meghalaya na Mawlasnai tang ba kin kylli ruh khlem ailad.
Na ka liang jong ka shnong, na ka liang jong u kum u MDC kate ka jaka la thoh sha u myntri rangbah ka jylla, sha u myntri kam poh iing bad sha ki bor jong ka District Administration hynrei haduh mynta ka sngi ka sorkar kam pat leh ei ei ha kaba ia dei bad kane bad kane ka jingkem ka dei tang ka jingpharep pyrshah ia ki.
Ha kane ka jingiakren bad ki lat pathai khubor kaba la ong ha KHADC la don lang ruh u rangbah shnong, kiba ha iing jong kiba shah kem ha kaba kila pynpaw ba kine ki lai ngut kim don dak ei ei ruh bad kane ka jingkem dei tang ka jingpharep.
