Shillong, Iaiong 16: Wat la ka District Disaster Management Authority (DDMA) kam pat ai ia ka jingkhein katno ka jingshah pynjulor ha kane ka ba ka jingshah lynshop ka jingbeh kyrthep u eriong ha ka sngi palei kaba la ktah ia ki ar tylli ki Blok ka, Umsning bad Bhoirymbong kala palat klur tyngka kythup ia ki iing sorkar bad ki riew shimet.
Katkum ka jingkhein kaba la ioh la ong ba kaba la shah ktah palat ka dei na Umsning Block ha kaba ki iing kiba la shah ktah ki don haduh 1969 tylli ha Bhoirymbong Blok bad ha Umsning Block kine ki jingkhein kiba ka DDMA kala ioh na ki BDO jong kitei ki blok haduh mynta ka sngi.
Ha Umsning Blok ki shnong kiba la shah ktah ki don 51 tylii bad 915 tylli ki iing, katba ha Bhoirymbong Blok ki don 49 tylli ki shnong kiba la shah ktah bad ki iing kiba la shah pynjot ki don 1054 tylli kine ki jingkhein dei kiba la phah da ki BDO jong kitei ki Blok.
Wat kala ki bor jong ka District Administration kila bthah ia ki dorbar shnong ba kinbuh ia ki jaka shah na ka bynta kito ki long iing kiba la shah pynjulor kkhoit ka iing ka sem, hynrei ia kine ki long iing kiba la ngat ha kane ka jingjia ba sngewsih kila ia sah lang bad kiba ha iing ka sem.
