Shillong, Iaiong 17: U bah Sanbor Shullai MLA jong ka 19-Shillong South u la pyndon burom ia ki 151 ngut ki trai khyndew kiba la ai jaka ban shna ia ki surok jong ka PWD ha ki bynta bapher bapher jong ka Lumparing.
Kitei ki trai khyndew kila ai ei ia ka jaka jong ki, kum ka dak jong ka jingburom ia ka jingkylluid mynsiem jong ki u MLA kane ka jaka u bah Sanbor Shullai ba dei ruh u myntri ha kane ka sorkar u la pynkup burom ia ki ha ka sngi saitjain ha ka jingialang kaba la long ha iing dorbar.
U bah Sanbor u la pynpaw ia ka jingsngewnguh ia ki trai khyndew na ka bynta ka jingiatreilang jong ki na ka bynta ki kam pynroi da ka jingsbun mynsiem ka jong ki kaba la wanrah ia ka jingmyntoi na ka bynta baroh ki paidbah jong ka shnong.
Ha kane ka sngi la ai ruh ia ka jingthoh ban pyntrei ia ka surok kaba T.5.86 klur ban shna ia ki ar tylli ki surok thymmai, ha kane ka sngi la don lang ki rangbah shnong bad ki paidbah ban sakhi lang ia kane ka jingleh burom ia ki trai khyndew.
