Shillong, Jymmang 02: Ka Richen Lhamo dkhot jong ka National Commission For Minorities jong ka sorkar pdeng kala ong ba ka sorkar Meghalaya haduh mynta kam pat thaw ia ka Meghalaya State Minority Commission, haba ia dei bad kane kala ong ba kan sa ia kren bad ka Chief Secretary jong ka jylla ba ka sorkar ka dei ban thaw noh ia ka Commission.
Haba kren ha ki lat pathai khubor ha kamra jingialang jong ka Deputy Commissioner jogn ka East Khasi Hills District ha ka jingiadon lang ki ophisar na ka District Administration, la ong ba ha ka jingwan jong ka kala ia kynduh ia ki hynriew tylli ki rit paidbah kiba dei na ki niam bapher bapher.
La ong ba kala ia kynduh ia ki nongialam niam, Sikh, Parsi, Buddhist, Jain, Christian bad Muslin, ha ka jingiakynduh bad kila pynpaw ba ha Meghalya kim shymdon kano kano ka jingeh bad ka sorkar ka juh kloi ban ia treilang bad ki paidbah, ia ki jingeh kiba ia kynduh la lah ban pynbeit tang hapoh ki District Administration.
Ka jingshen jong ka ha ka jingiakynduh bad ki kynhun kiba dei na ki rit paid, la ong ba bun na ki skhim kiba ka sorkar pdeng ka ai na ka bynta jong ki kim ioh jingtip, halor kane kala bthah ia ki District Administration ban kin pynlong bun sien ia ki jingpynshai paidbah khnang ba ki rit kin ioh ia ki jingmyntoi.
Ha kane ka jingwan balai sngi jong ka ha Shillong, kala ia kynduh ia ki rit paid bad mynta ka sngi kala ia kynduh ruh ia ka Chief Secretary bad kum juh ia u mytnri rangbah ka jylla kala ong.
