Shillong, Jymmang 15: U bah Cleophas Bankerlang Syiem CEM barim jong ka KHADC u la ia kynduh ia ki paidbah ka Mawhati Konstiwensi ban ia mir jingmut namar u don ka jingthmu ban ia khun ia ka elekshon MLA ha u snem 2023 ia kane ka jingialang la pynlong ha Mawhati.
Ban pynkhreh ia ka elekshon MLA ka ban long ha u snem 2023 ha ka jingialang kaba la long ha ka sngi saitjain la thaw ia ka kynhun trei kam ia kaba la tip kum ka “Mawhati Constituency Socio & Economic Forum” ha kaba u bah CB Syiem un long u nongialam ia kane ka kynhun.
Ha katei ka jingialang la wan ban ia shim bynta da ki paidbah kiba la kot kumba san spah ngut ei ei, haba kren ha kane ka jingialang u bah Syiem u la ong ba kane ka kynhun kan trei kam kyrpang na ka bynta ka roi ka par jong ka konstitwensi baroh kawei kaba dang sah dien ha bun ki liang.
Ha ka jingialang u bah CB Syiem la ong ba kane ka jingwan jong u ka dei ka jingkhot jong ki riew rangbah, ha katei ka sngi u la kynthoh jur ia u MLA u bala iehnoh ia ka konstitwensi, la un ia khun ne em ia ka elekshon 2023 kan shong ha ka kynhun ban rai lada ka kynhun ka ong ba un ia khun u kloi ban ia khunia ka elekshon.
Haba ia dei bad ka party u la ong ba lada ka kynhun kala rai ban pyniakhun ia u kin sa ia kren bad ka shong ha ka kynhun na kaei ka party ki kwah ba un ia khun. U bah CB Syiem u dei u MDC barim na Nongpoh bad u la ong ruh u CEM jong ka KHADC.
