Shillong, Jymmang 26: Ka Civil Hospital Shillong kala ioh ia ki kor pynmih Oxygen na ka ophis jongu myntri rangbah duh jong ka Ri India ia kaba la tip kum ‘PM Cares’ bad kane ka jaka kan pynmih haduh 600 litter ka oxygen ha ka shimit ka ban pyndon kam ha katei ka hospital.
Katkum ka jingiathuh jong u wei doctor mynta ka sngi la ong ba haduh mynta ki dang lah ban pyndon kam tang 150 litter, ka daw jong kane ka jingbym lah ban pyndon kam ka dei namar ba bym pat lah ban pyndep ia ka jingpynpur ia ki Pipe ban pyniaid ia ka oxygen hapoh ka hospital.
Na ka liang ka Hospital ka kwah ban iohi ba kibor bahalor kin pyndem kloi noh ia ka jingpyntrei ia ki Pipe ban pyniaid ia ka oxygen khnang ba yn lah ban pyndon kam pura ia ka oxygen kaba lah ban pynmih na kitei ki kor kiba la buh ha Hospital.
Kane ka jingshna ia ki pipe ban pyniaid ia ka oxygen ha Civil Hospital ka long ban pynbiang na ka bynta kiba pang ba shitom khamtam ha ka jingiakhun pyrshah ia ka khlam COVID-19 bad kane kan long ruh ban pynsuk ia ka Hosptial lada don kam oxygen ban sumar ia kiba shitom.
