Shillong, Jymmang 26: Ki runar ki bym lah ban ithuh satia kila ioh ban rong tuh iakawei ka kali Maruti 800 na baranda ïng kaba don ia u register number WB 24 C 5699 haryngkat bad ka Song pisa kaba 25,000/- tyngka napoh ïng jong ka kong Bilincy Jana kaba dei na ka shnong Umling jong ka Ri Bhoi District.
Ka kong Bilincy Jana kala iathuh ba kane ka jingsah tuh bad shah rah kali kala jia ha ka por shiteng synia na iing sah jong ka ha Umling Ri Bhoi District bad ka jingjia ka long por ba ki dang iohthiah lyngai, ki briew kiba la ioh rung sha poh iing kila shim ia ka pisa na poh pla bad rah ia ka kali.
Kila bala shah tuh ka iing bad ka kali kam don shuh dei ha dien ba kila khi thiah mynstep ki shem ba ka iing kala shah prong, ka pisa ha pla kam don shuh bad ka kali na phyllaw kam don shuh bad haba ki la leit ban peit na ka CCTV kaba don Tollgate ha 20 mer ruh kam don shisha.
Ka kong Jana kala leit ban pyntip sha ki pulit jong ka Nongpoh bad na ka liang jong ki pulit kila pynlong ia jingtohkit ha kaba ia dei bad katei ka jingshah tuh ka kali na shnong Umling.
