Shillong, Nailar 21: Namar ka jingleh bym suid niew jong u myntri ba dei peit ia ka pule puthi ha ka jylla u Dr RC Laloo ban peit lem ia ka jingeh ka jong ki na ka liang jong ka seng ki nonghikai skul ha ka jylla Meghalaya hapoh ka Lama the All Teachers’ Association of Meghalaya (JACATCM) kin sdang ia ka jingiakhih ka jong ki naduh ka 27 tarik mynta u bnai.
U Chaimran jong ka seng u Bah ED Nongsiang u la pynbna mynta ka sngi ba ka bynta jingiakhih ka jong ki halor kane ka jingleh mutlop jong u myntri kan sdang naduh ka 27 tarik mynta u bnai bad kan kut ha ka 5 tarik jong u Nailur ka sngi burom jong ki nonghikai.
Ha ka 27 tarik kin sdang da ka jingdieng lama iong, ha ka 29 tarik kin sangeh trei kam, kaba dei mynta u bnai bad ha u Nailur ha ka 3 tarik kin shim shuti baroh ki nonghukai, ha ka 4 tarik kin pynlong ia ki jingiakhih shong kyllian mungor ha baroh ki District bad ha ka 5 tarik kan don ka jingiaid paidbah ha ka nongbah Shillong.
La iathuh ba na ka liang jong u myntri ha ka jaka ba ynkhot ia kren ia ki nonghikai u la phah ia ka shithi sha ki ban pyntip ba la btah ia ki nonghikai ba kin leit ban ia kynduh ia ka L R Sangma commissioner bad secretary jong ka tnad pule ptuhi.
Ha kane ka shithi la ong ba kin iakren ia ka jinglong kawei ha kaba ia dei bad ka jingsiew ia ka tulop jong ki nonghikai ha ki ksul kiba la bei pisa da ka sorkar bad kiwei kiwei ki jingdaw ajong ki kum ka jingshiti noh da ka sorkar ia ki nonghikai bad ban pyntrei kam ia ka polisi ha kaba ia dei bad ka pule ptuhi bad kiwei kiwei.(SP News)
