Shillong, Jylliew 05: Ka Dorbar shnong Mawpait Tlongpleng ka pynpaw ka jingsngewnguh bad ai khublei ia ki samla pule BSW 6th semester ka St Edmunds college kiba la pyndep ia ka Field work ka jong ki hapoh ka shnong Mawpait Tlongpleng dangshen.
Kum ban shu pynkynmaw kine ki samla pule baroh 6 ngut Janis Ann Dkhar, Angelista Syiemlieh, Daphilakmen Lyngdoh, Aijingkmenlang Nongneng Shanpru, Bakhamkorshisha Nongsiej bad u Samla Richard Sanglyne hapoh ka Jingpeit ka kong Aibakor Kharbuli ka nongpeit ki la sdang ia ka kam ha poh shnong naduh ka 18th Lber 2022 bad kila pynkut ha ka 28th Jymmang 2022.
Ha kitei ki arbnai kitei ki samla pule ki la pyndep ia bun ki kam, kum ka jingiakynduh bad ki paidbah ka shnong, kila pynlong ia ka jingialang bad ki skul, ki jingai jinghikai ha ki jaka sam shna, ka jingiakynduh iaki kynhun trei lang, ki ASHA.
Ha kine ki ar bnai kila hikai ruh ia ka jinglehkhuid bad kumno ban bret ia ki jakhlia jakhlait ha ki jaka bret niut, ka jingleit leit ia kynduh ia ki briew ha ki iing ki iing, ka jingjurip ha kaba ia dei bad ka ioh ka kot, la hikai ia ka hok ki khynnah bad la pynshai paidbah ia ka jignpang niangkhulia.
Kitei ki Programme baroh ba la pyndep da kitei ki samla pule ki long kiba sngewtynnad bad kiba ai jingmyntoi na bynta ki nongshong shnong khamtam ki awareness program.
Ka Dorbar Shnong ka phah ruh ka jingkitbok ia baroh 6 ngut ki samla pule ba kin leh bha ha ki examination ka jong ki, khnang ba kin ioh ban kheit iu soh ka Jingjop. Kane ka long katkum ka kyrwoh ba la pyllait da u Secretary Shnong Bah Marius Nongsiej.
