Shillong, Jylliew 12: Ha ka miet sngi u blei ka surok kaba leit na Jowai sha shnong Shyrmang shuwa ban poi sha Iongnoh kala twa bad ha kane ka jingtwa kala rong ruh ia kawei ka kali maruti ha kaba u nongniah u la mynsaw.
Haba u SP News Agency u la ioh ban ia kren bad ki trai shnong la iathuh ba kane ka jingtwa khyndew kala jia ha ka miet sngi u blei bad katei ka kali kala poi ha katei ka jaka ha ka por ba twa hynrei kam shym don kano kano ka jingjia kaba sngewsih.
Kane ka jaka ba twa ka don tang 15 Km na Jowai ban poi sha shnong Iongnoh, kane ka jaka ba twa ka long ha shnong Shyrmang, kane ka surok ka kut sha Iongnoh, da ka jingtwa kane ka surok mynta ki hap ban ioh noh na Mawsten.
La iathuh ba katei ka jaka kaba twa, kala twat eng mynshuwa bad la shna ia kane ka surok hynrei mynta kala twa biang, na kaei kadaw jong kane ka jingtwa biang ym lah ban tip hynrei ka surok kala dkut ha katei ka jaka.
