Shillong, Jylliew 15: Ka Deputy Commissioner jong ka East Khasi Hills District ka kong Isawanda Laloo kala plie ia ka jingiakop ban pynitynnad ia ki dong ki shnong ha ka sien kaba ar ia ka skhim kaba la mang na ka tnad shangsuwari da kaba ai ia ki kot jignbthah ban pyntrei sha ki 23 tylli ki dong kiba la pan ia kane ka skhim.
Kane ka skhim ka long ban drodur, ban pynkhuid, ban buh jignthoh ha ki kynroh, ban thungieng, ban buh ia ki jaka shong ha ki jaka paidbah, ha kaba san ia ki kot ban ai jingbit la batai ia ki shnong ki dong ba kin sngewthuh, la pynsngewthuh ruh ia kaei kaba kila ioh jingtip na ka bhah kaba nyngkong.
Ha kane ka jingialang jong ka Deputy Commissioner kala pynshai ba kan don ka jingai khusnam ia ka dong ne shnong kaba T.10,00,000/- lak tyngka, kan don ruh ka jingai khusnam ia ki nongdro dur kiba tbit bha na ka bynta ki nongdro dur ki don ki kyndon kumno ban jied ia ki ban ioh ia ka khusnam.
Ia ka jingsdang ia ka jingdro dur ha ki shnong ki dong ia bha kaba nyngkong la sdang ha u Nailar 2021, kiba ioh ha ka bynta kaba nyngkong kila dep ban pyntrei bad kila phah ia ka kaiphot sha ophis jong ka DC bad ia ka pisa la pynlait sha baroh ki 34 tylli ki dong ne ki shnong.
Ka Deputy Commissioner jong ka East Khasi Hills District kala bthah ba kito ki shnong, ki dong kiba la depb an dro lane ban shna ki lah ban pan ia ka jingiarap ban sumar ia kitei ki jingdro ne shna haduh 10% na ka jinglut kaba la mang ia ka skhim kaba kila dep ban pyntrei.
