Jowai, Nailar 23: Ka jingjia ba sngewsih kaba la pynpar niangkhriat ia baroh kawei ka sor jowai hynne ka sngi ha kaba ki ar ngut ki samla kiba la shahkem ha ka 19th-Aug-2013 ba ki dei ki nongtuh thuk thuk kiba kyrteng kum u Kitbok Kassar bad u Bhah Salan Rupon ka la pynkyndit thret ia ki paitbah jong ka sor jowai ha kaba la pynlyng ngoh hi ngain ia kapyrkhat pyrdain jong ki ba ha ing ha sem jong ki.
Ka jingiap jong kine ki arngut ki samla ka la pynartatien shikatdei eh ia ki ba ha ing ha sem bad ki paitbah jong ka sor jowai bad kumjuh ia ngi kum ki sengbhalang kiba la sakhi da la ki jong ki khmat ba ka jingiap da kaba phasi ha jingkhang nar kaba phylla bad ym lah shiuh ban mutdur ia ka rukom phasi jong kine ki arngut,
Na ka liang jong ngi ki ar seng ka JSU bad ka JYF ngi pynrem jur ia ka jingleh sting jong ki pulit ap pahara kiba dei duty mynmiet ban peitngor ia ka jinglong jingman kiba shah set hapoh byndi jong ki pulit, kane ka pyni shai kdar ia ka jingbymshimkhia bad ka jingtlot jong ki pulit jong ka ne ka thanad khamtam kito kiba dei duty ha kane ka miet bala jia ka jingsngewsih kthang ym tang ia ia kiba ha ing ha sem jong ki jong kine ki arngut hynrei iaki ba bun ba lang baroh,
Kumjuh na ka liang ki ar Seng ki kyntu jur ia u DC West Jaintia Hills District bad iaka tnad Pulit (Home dept) kumjuh ban shimkhia ban tuklar halor kane ka jingjia kaba sngewsih kaba la pynkyndit ia u babun balang ha ri lum jaintia ba ki bor ba dei peit ia ka Ain ka la pynartatien ia ka jinglong shngain haba don hapoh ka byndi jong ki pulit kaba ba ngi khmih lynti ba kiba shakem kin ioh ka jingbishar kaba hok katkum ka ain ryngkat ka jingkylla ynda haba ki ioh jingsneng ha ki bor jong ka ain, pynban ka long mar khongpong kaba pynduh jingshaniah ia ngi la ong ki nongiam jong kine ki ar seng. Ha ka juh ka por ki nongialam jongka JSU bad ka JYF ki kyntu jur ia U DC bad iaka Sorka Jylla ban thung daka kynhun tohkit kaba laitluid (Independent inquiry) halor kane ka bynta khnang ban ioh iaka jingshai kaba tikna.(SP News)
