Shillong, Jylliew 25: U Dr. Aman War Director ka tnad ka koit ka khiah jong ka sorkar Meghalaya mynta ka sngi u la ai burom ia ka seng “Ai Jingim Voluntary Blood Donors Organisation ia kaba la lah ban ai snam ei haduh 961 unit, ha ki jingai snam kaba ki long pynlong 43 sien.
Haba kren kum u kongsan ha ka jingialang ban rakhe ia ka “World Blood Donars Day” ha Dinam Hall mynta ka sngi la ong ba kane ka kam kaba ka seng kala leh ka dei ka kam kaba don burom ban pynlait im ia ki mynsiem briew.
U Director ka tnad ka koit ka khiah u la ai jignkhein ba ha kane ka seng ki don 202 ngut ki dkhot bad kaba kham sngewtynad ka long ban a kine 62 ngut kidei ki kynthei bad 140 ngut ki dei ki shynrang.
Haba ia dei bad ka jingpynsngew ba ka duna ka jingmang pisa na ka sorkar ban pynlong ia kum kine ki jingai snam ei, na ka liang jong u Director la ong bay n sa rah ia kane ka jingpynsngew sha ka sorkar ban peit ia kane namar ka jingdon kam snam kiba pang ba shitom ka long kaba don kambha.
Ha ka jignkren jong ka Dr. C Budnah secretary ba dei peit ia ka SBTCbad ia ka RBB ha Pasture ka la ong ba man ka ar skon don kam snam kib shitom ha ki Hospital, hynrei kiba wan sha khmat ha kane ka jylla ban ai snam ki long tang 20%.
Ka Dr. Budnah kala kyntu ia ka VBDO ba kan pyniar shuh shuh ia ka jingtrei kam jong ka wat sha Garo Hills, kan pynlong ia ki jingialang ban pynsngewthuh paidbah ha West Khasi Hills bad SWKH District ruh kum juh.
Ha ka jingkren u bah M Shylla nongai buid rangbah ka seng u la ong ba ka seng VBDO ka pynlong ia kine ki jingai snam ei da ka jingkyrshan jong ki para dkhot ka seng namar ka sorkar kam juh kham mang pisa na ka bynta kum kine ki jingialang.
Ha kane ka sngi ia ka jingialang la pyniaid da u bah Andreas H Marwein general secretary ka seng, la kren pdiang burom da u bah Pius Dkhar symbut President, ha kane ka sngi la ialam ka jingpule kular ban ai snam da u Dr Aman War Director, ha kaba la ai burom ia ki nongai snam ha kine ki 6 bnai kiba la leit noh.
